Posted: 08/24/2012 06:01 PM IST

చంద్రబాబు అనుచరుడు మురళీమోహన్ ఢిల్లీ వెళ్లిన ఎంపీలపై విరుచుపడినట్లు తెలుస్తోంది. ఇప్పుడు మన ఎంపీలు ఢిల్లీలో ఏం చేస్తున్నారు అనే విషయంపై కన్నేశాడట. అక్కడ మన ఎంపీలంతా పేకాట ఆడుతూ కాలక్షేపం చేస్తున్నాడని కామెంట్ చేసినట్లు మీడియా వర్గాలు అంటున్నాయి . ప్రత్యేకించి అధికార పార్టీ ఎంపీలందరూ రాష్ట్రసమస్యలను పట్టించుకోవడం లేదంటూ మురళీమోహన్ వ్యాఖ్యానించడం గమనార్హం. ‘రాష్ట్రంలో నీటి, కరెంటు సమస్యల గురించి ఎంపీలు ఏం చేస్తున్నారు, వారు ఇలాంటి వాటి గురించి పట్టించుకోక, తమ ఇండస్ట్రీలకు సంబంధించిన విషయాల్లో లాబియింగ్ చేసుకొంటూ, పేకాట ఆడుతూ గడుపుతున్నారని మురళీ మోహన్ చెప్పటం అందరిని ఆశ్చర్యంలోకి నెట్టేసింది.  టీడీపీ ఎమ్మెల్సీ బాబు రాజేంద్రప్రసాద్ కూడా మురళీ వ్యాఖ్యలను సపోర్ట్ చేస్తూ మాట్లాడాడు. అయితే అవతల వాళ్లపైకి రాళ్లు వేయడం సులభమే. కానీ, కేవలం రాజకీయ, నటనా రంగాల్లోనేక కాక రియల్ ఎస్టేట్ లో కూడా మురళీ మోహన్ ప్రస్థానం ఓ రేంజ్ లో ఉంది. యధాతథంగా ఇతడి రియల్ వ్యాపారాల గురించి ఇప్పటికే అనేక విమర్శలు వినిపించాయి. తెలుగుదేశం అధినేత, మురళీ మోహన్ లో కలిసి తమ స్థలాలకు మంచి ధర పలికేలా వ్యూహాలు పన్నారనే ఆరోపణలు ఉన్నాయి. అలాంటి మురళీ మోహన్ ఇప్పుడు ఎంపీలు వ్యాపారాలు చేసుకొంటున్నారని విరుచుపడితే…అవతల వారు ఊరికే ఉంటారు అనుకోవడం పొరపాటే! మరి వారు మురళీకి ఏ స్థాయిలో సమాధానం చెబుతారో చూడాలి!