Posted: 08/20/2012 03:17 PM IST

అంతర్జాతీయ క్రికెట్ నుంచి రిటైర్  కావాలన్న వివిఎస్ లక్ష్మన్  నిర్ణయం  క్రికెట్  ప్రపంచాన్నే కాకుండా  అతని జీవిత భాగస్వామి అయిన భార్య  శైలజను  దిగ్బ్రాందికి గురి అయినట్లు తెలుస్తోంది.  అయితే లక్ష్మణ్ తన మొదటి భార్యని విడిచి ఎలా ఉండగలడో  ఆమెకు అంతుచిక్కటంలేదట. మొదట  తన నిర్ణయాన్ని లక్ష్మణ్ చెప్పినప్పుడు   శైలజకు నోట మాట రాలేదని చెబుతుంది.  అయితే తమ భర్త భగవద్గీత  సూత్రాలను  పాటిస్తుంటారని  చెబుతుంది. లక్ష్మణ్ రిటైర్ మెంట్   అనంతరం  కుటుంబ సభ్యులతో , ముఖ్యంగా పిల్లలతో  కాలం గడపబోతున్నందుకు  ఆమెకు చాలా ఆనందంగా ఉందని  చెబుతుంది.  లక్ష్మన్ రిటైర్  మెంట్ పై కొన్ని కారణాలు వినిపిస్తున్నాయి.భారత క్రికెట్ వెరీ వెరీ స్పెషల్ వీవీఎస్ లక్ష్మణ్ అంతర్జాతీయ క్రికెట్ నుండి అర్ధంతరంగా ఎందుకు వైదొలిగాడు ? సొంతగడ్డ హైదరాబాద్ లో న్యూజిలాండ్ తో టెస్టు ఆడి ప్రకటించాల్సిన నిర్ణయాన్ని అంతకు ముందే తీసుకున్నాడు ? రెండు టెస్టులకు ఎంపికయిన లక్ష్మణ్ ఎందుకు ఆడకుండా నిష్క్రమించాడు ? కెప్టెన్ ధోని, సెలెక్టర్ కమిటీ ఛైర్మన్ శ్రీకాంత్ లు లక్ష్మణ్ ఇబ్బంది పెట్టారా ?ఇదీ ఇప్పుడు ఆంధ్రప్రదేశ్ క్రికెట్ అభిమానులను వేధిస్తున్న ప్రశ్నలు.

న్యూజిలాండ్ తో టెస్టులకు ఎంపికయిన లక్ష్మణ్ ఆ తరువాత క్రికెట్ నుండి వైదొలుగుతాడని అందరూ ఊహించిందే. అయితే సొంతగడ్డ మీద ఆడి స్థానిక ప్రేక్షకుల సమక్షంలో ఘనంగా వీడ్కోలు తీసుకోవాల్సిన లక్ష్మణ్ అంతకుముందే వైదొలుగుతున్నట్లు ప్రకటించాడు. ‘ధోని మనసులో ఏముందో తెలుసుకోవడం కష్టం’ అన్న లక్ష్మణ్  మాటలు అతను వారి నుండి పరభవాన్ని ఎదుర్కొన్నట్లు తేల్చిచెబుతున్నాయి. లక్ష్మణ్ కు కేవలం రెండు టెస్టులకు సరిపడా ఫిట్ నెస్ చాలు, అంతకుమించి అతనిని ఇబ్బంది పెట్టారని గంగూలీ ‘గూగ్లీ’ విసిరాడు. ఆస్ట్రేలియా పరాజయాలకు కేవలం లక్ష్మణ్ ను బాధ్యున్ని చేస్తున్నారని, ధోని సహా మిగతావారు విఫలమయ్యారని వారికి జట్టు పట్ల భాధ్యతలేదా ? అని దాదా కడిగేశాడు. సెలెక్టర్ కమిటీ ఛైర్మన్ శ్రీకాంత్, ధోనిలు నెట్ ప్రాక్టీస్ లో ఎక్కువ ఇబ్బందులకు గురిచేయడంతో లక్ష్మణ్ అర్ధంతంరంగా వైదొలిగాడని తెలుస్తోంది. ఏ క్రీడాకారుడికయినా ఇలాంటి అనుభవం బాధాకరం. ఇక మన రాష్ట్రానికి చెందిన లక్ష్మణ్ కు ఇలా జరగడం మనందరికీ బాధాకరం.