Posted: 08/08/2012 08:02 PM IST

కడప జిల్లాకు చెందిన  మంత్రుల  ఇన్ చార్జీ  మంత్రులుగా  ఉపయోగపడతారని  ముఖ్యమంత్రి  ఎన్  కిరణ్  కుమార్ రెడ్డి  అనుకోలేదేమోనని  దేవాదాయశాఖ  మంత్రి సి. రామచంద్రయ్య అంటున్నారు.చిరంజీవి ఏదో ఒక రోజు ముఖ్యమంత్రి అవుతారనే నమ్మకం తనకు ఉందని ఆయన అంటున్నారు. చిరంజీవి ముఖ్యమంత్రి అవుతారంటే కిరణ్ కుమార్ రెడ్డి స్థానంలో వస్తారని కాదని ఆయన వివరణ ఇచ్చినట్లు తెలుస్తోంది. రాజకీయాల్లో ప్రతి ఒక్కరూ ముఖ్యమంత్రి కావాలని కోరుకుంటారని ఆయన అంటున్నారు . ముఖ్యమంత్రి కిరణ్ కుమార్ రెడ్డికి నమ్మకమైనవారికి మాత్రమే జిల్లా ఇంచార్జీ బాధ్యతలు అప్పగించారని, జిల్లా ఇంచార్జీ బాధ్యతలు అప్పగింత ముఖ్యమంత్రి ఇష్టమేనని చెబుతున్నారు.  అందుకు తమ కడప జిల్లా మంత్రులం పనికి రామేమోనని, అందుకే జిల్లా ఇంచార్జీ బాధ్యతలు ఇవ్వలేదని మంత్రి సి. రామచంద్రయ్య అనటం పై కొత్త వివాదం రేగినట్లు ఉందని  కాంగ్రెస్ నాయకులు అంటున్నారు. గ్యాస్ కేటాయింపు కేంద్ర ప్రభుత్వ పరిధిలోదని, రాష్ట్రానికి గ్యాస్ కేటాయింపు కోసం ముఖ్యమంత్రి కిరణ్ కుమార్ రెడ్డి తీవ్రంగా  ప్రయత్నించటం జరిగిందని  గుర్తు చేశారు . ఫీజు రీయంబర్స్‌మెంట్ ఉండాల్సిందేనని మంత్రి అంటున్నారు. బిసీలకు అన్యాయం జరిగితే తాను అడ్డుకుంటానని ఆయన కోపం  వ్యక్తం చేసినట్లు తెలుస్తోంది .