Posted: 06/26/2012 01:12 PM IST

హతవిదీ.. ఏమో వైపరీత్యం .. అదేదో  పాత సినిమా డైలాగుల్ని మళ్లీ మనం గుర్తుచేసుకోవాలి.  ఒక పెద్ద మనిషి ..పదవి కోసం ..జైలు గేటు దగ్గర చక్కర్లు కొట్టాడు.  ఆయనకు ఇదేం ఖర్మ అంటే.. ఆయన దేశానికే అధ్యక్షడై పోదామాని ఆశ ఉందట.  అంటే  రాష్ట్రపతి  అభ్యర్థిగా పోటీ చేస్తున్న పి. ఎ. సంగ్మా చంచల్ గూడ జైల్లో  ఉన్న జగన్ ను  కలిసేందుకు  వచ్చిన విషయం తెలిసిందే.  రాష్ట్రపతి ఎన్నికలో  తనకు మద్దతు ఇవ్వాలని  వైఎస్ఆర్ కాంగ్రెస్  నేతను  కలిసినట్లు మీడియా వర్గాలు అంటున్నాయి .

జైలు వద్ద సంగ్మాకు జగన్ దర్శనం జరగలేదట.  అయితే వెంటనే జగన్ తల్లి  విజయమ్మ వద్దకు సంగ్మా వెళ్లినట్లు తెలుస్తోంది. విజయమ్మ తో  తనకు మద్దతు ఇవ్వాల్సిందిగా సంగ్మా కోరినట్లు వైఎస్ఆర్ కాంగ్రెస్ పార్టీ నాయకులు అంటున్నారు.  విజయమ్మతో పాటు  వైఎస్ఆర్ సీపీ నేతలు ఎం. వి మైసూరా రెడ్డి,  వై.వి. సుబ్బారెడ్డి, సంగ్మాతో సమావేశం అయ్యినట్లు తెలుస్తోంది.  సమావేశం అనంతరం  సంగ్మా   విజయమ్మతోనూ , పార్టీ  ఇతర నాయకుతోనూ తాను  జరిపిన చర్చలు ఫలప్రదం అయ్యాయని , వారు తమ పార్టీ  నాయకులతో  చర్చించి త్వరలో  నిర్ణయం  ప్రకటిస్తామని సంగ్మాకు చెప్పినట్లు   మీడియా వర్గాలు అంటున్నాయి.   ఈ సమావేశం   పట్ల  సంగ్మాకు  చాలా సంతోషంగా ఉందని ,  వారు చూపిన ఆదరణకు  తాను ఎంతో రుణపడి ఉంటనని  సంగ్మా చెప్పినట్లు  వైఎస్ఆర్ సిపీ కార్యకర్తలు చెబుతున్నారు.

 వైఎస్ఆర్ సీపీ నాయకులు కూడా  సంగ్మాకు మద్దతు తెలిపిందేకు  తమ పార్టీ నాయకులతో  సమావేశాలు జరుపుతున్నాట్లు  తెలుస్తోంది.  చివరకు  సంగ్మాకు  మద్దతు ఇవ్వటానికి సిద్దమైట్లు  పార్టీ నాయకులు అనుకుంటున్నారు.  సంగ్మాకు వైఎస్ఆర్ సీపీ మద్దతు ఇస్తుందని  మీడియా వర్గాలు అంటున్నాయి .