Posted: 06/05/2012 03:24 PM IST

అవును నిజమే  బిజేపి అధ్యక్షుడు  నితిన్ గడ్కారీ  ఆ పని చేశాడని .. కాంగ్రెస్ నాయకులు అంటున్నారు. గడ్కారీ పట్టుకున్న కాళ్లు ఎవరివో తెలుసా?  ఒక యోగా గురువు అయిన బాబా కాళ్లు పట్టకున్నాడు.  ఆయన యోగా మాత్రమే నేర్పిస్తాడు. కానీ ఇటీవల ఆయన అవినీతి పై యుద్దం చేయటానికి  కాషాయా వస్త్రాలు ధరించి  అవినీతికి వ్యతిరేక ఉద్యమంలో  చేరటం జరిగిందని .. కాంగ్రెస్ నాయకులు చెబుతున్నారు.  అలాంటి  యోగా గురువు కాళ్లు పట్టుకున్న వ్యక్తి పార్టీ అధ్యక్షుడుగా ఎలా ఉండగలడు అని కాంగ్రెస్ నాయకులు అంటున్నారు . బీజేపీ అధ్యక్షుడు నితిన్ గడ్కారీ యోగా గురువు బాబా రామ్‌దేవ్‌కు పాదాభివందనం చేయటం   రామ్‌దేవ్ పాదాలకు నమస్కరించడం గౌరవంతో కూడుకున్నదని, ఆయన ఆశీర్వాదం తీసుకోవడం తప్పేమీ కాదని గడ్కారీ అంటున్నారు.

‘కాషాయ వస్త్రాలు ధరించిన వ్యక్తి మన వద్దకు వస్తే ఆయన దీవెనలు తీసుకోవాలని మన సంస్కృతి చెపుతోందని అందుకే గడ్కారీ అలా చేశాడని బిజేపీ నాయకులు చెబుతున్నారు.  బాబా ఆశీర్వాదం తీసుకున్నందుకు చాలా గర్వంగా ఉందని గడ్కారీ అంటున్నాడట. . మన సంస్కృతిని పాటించని వారు వేరే విధమైన ప్రవర్తనను కలిగి ఉంటారు’ అని గడ్కారీ అంటున్నారు. విదేశాల్లో దాగున్న నల్లడబ్బును భారత్‌కు తిరిగి తెచ్చేందుకు చేపట్టిన ఉద్యమానికి బీజేపీ మద్దతు కోరుతూ రామ్‌దేవ్ ఢిల్లీలోని గడ్కారీ నివాసానికి వెళ్లిన సమయంలో... ఆయన రామ్‌దేవ్ పాదాలకు నమస్కరించారు. పుష్పగుచ్ఛంతో స్వాగతం పలికారట అనంతరం, నల్లధనం అంశంపై వారిద్దరూ సమావేశమై చర్చించటం జరిగిందని బీజేపి నాయకులు అంటున్నారు.  అన్నా హజారెతో కలసి నిరాహార దీక్ష చేసిన రామ్‌దేవ్‌ భారతీయ జనతా పార్టీ (బిజెపి) అధ్యక్షుడు నితిన్‌ గడ్కరిని  కలుసుకోవటంతో  విదేశాలలో అక్రమంగా దాచిన నల్ల డబ్బును తిరిగి తెప్పించాలని ప్రభుత్వాన్ని కోరుతూ తాను సాగిస్తున్న ఉద్యమానికి బిజెపి మద్దతును రామ్‌దేవ్‌ అభ్యర్థించినట్లు తెలుస్తుంది.  రామ్‌దేవ్‌కు బిజెపి మద్దతు ఇస్తున్నదని గడ్కారీ చెబుతున్నాడట.