Posted: 05/31/2012 07:05 PM IST

వై.ఎస్.ఆర్. పార్టీ అధ్యక్షుడు జగన్మోహన్ రెడ్డి తనను బెదిరించడం వాస్తవమేనని సంచలనాల దర్శకుడు రాంగోపాల్ వర్మ తాజాగా ప్రకటించాడు. 'రక్త చరిత్ర - 1' సినిమా సమయంలో వర్మని జగన్ బెదిరించాడంటూ పార్లమెంటు సభ్యుడు లగడపాటి రాజగోపాల్ ఈ ఉదయం సంచలన ప్రకటన చేసిన సంగతి మనకు తెలిసిందే. ఈ సినిమాలో తనకు సంబంధించిన సన్నివేశాలు ఉంటే సహించనంటూ వర్మని ఆయన హెచ్చరించాడనీ ... తనతో ఈ విషయాన్ని వర్మ స్వయంగా చెప్పాడని రాజగోపాల్ అన్నారు.

ఈ వివాదంపై వర్మ వెంటనే స్పందిస్తూ, లగడపాటి వ్యాఖ్యలు నిజమేనంటూ మీడియాకి మెసేజ్ లు పెట్టారు. 'రక్త చరిత్ర' సినిమాలోని కొన్ని సన్నివేశాలను తొలగించాలంటూ జగన్ కి అత్యంత సన్నిహితుడైన ఓ అనుచరుడు తనపై తీవ్రమైన ఒత్తిడి చేశాడనీ ... ఆ కారణంగానే ఆ సినిమాలోని చాలా సన్నివేశాలను తొలగించవలసి వచ్చిందని వర్మ చెప్పారు. దీంతో ఈ వివాదం ఎటు దారితీస్తుందో చూడాలి!