Posted: 05/16/2012 05:24 PM IST

టాలీవుడ్ లో సొంత డప్పు కొట్టుకొనే వారిలో చిన్నికృష్ణ ఒకరు.  ఈయన చేసేది అవగింజంత మరీ చెప్పుకునేది మాత్రం చంతాడంత  ఉంటుందని  టాలీవుడ్ లో ఈయనకు పేరు ఉంది.  ఈయన గురించి చెప్పుకో మంటే మాత్రం  ఏడు రాత్రులు , ఏడు పగలు అయిన  సరిపోవాని  టాలీవుడ్ ప్రజలు అంటున్నారు.  ఈ మద్య కాలంలో .. ఓం కార్ తో కలిసి  బుల్లితెర పై  తన గొప్పలు  చెప్పుకోవటం ప్రారంబించిన విషయం తెలిసిందే.  టాలీవుడ్ ఉన్నవారికంటే నేనే జీనియస్ అని చెప్పుకుంటు తిరిగే వారిలో  ముందుంటే వ్యక్తి చిన్నికృష్ణ.  

ఇటీవల 'ఇండో నేపాల్ యూనిటి అవార్డ్' ను అందుకున్నారు.  నేపాల్ ప్రెసిడెంట్ రామ్ భరణ్ యాదవ్ చేతుల మీదుగా ఏప్రిల్ 28 న ఈ అవార్డునీ ... ప్రశంసా పత్రాన్ని అందుకున్నట్టు ఆయన చెప్పారు. ఈ అవార్డుని అందుకోవడం జీవితంలో మరిచిపోలేని తీపి జ్ఞాపకమనీ  ఈ విజయం అందరిదని అన్నారు. 

తెలుగు సినిమాకి తన దైన శైలిలో కథలను అందించిన రచయిత చిన్నికృష్ణ . 'ఇంద్ర' ... 'నరసింహా నాయుడు' ... 'గంగోత్రి' ... 'బద్రీనాథ్' వంటి చిత్రాలు ఆయన అందించిన కథలతో తెరకెక్కినవే. తెలుగు తెరపై రచయితగా తనదైన ముద్ర వేసిన చిన్నికృష్ణ,  ఆధ్యాత్మిక విలువలతో కూడిన కథలను ( గంగోత్రి - బద్రీనాథ్ ) అందించినందుకు గాను తనకి ఈ అవార్డ్ లభించిందని చెప్పారు. మనదేశ సంస్కృతికి ఇతర దేశాల్లో ఉన్న విలువకి ఈ అవార్డ్ అద్దం పడుతుందని అన్నారు.

అసలు ఈ అవార్డు గురించి ఎవరికి తెలియదు. కానీ ఆ అవార్డు గురించి చెప్పింది కూడా  చిన్నికృష్ణ. ఈ సినిమా కథ  కోసం  నేను అక్కడ కూర్చోని రాసాను , ఇక్కడ కూర్చోని రాసాను అని చెప్పుకుంటూ అలా రాయటం  నా అదృష్టం అని చెబుతున్నారు. ఆ ప్రాంతాలకు వెళ్లి నెలల తరబడి కూర్చొని కథలు రాసుకొన్నాను అని ఈయన చెబుతున్నారు. అసలు తన గురించి  చెప్పింది  ఒక్క శాతమేనట. ఇంకా చెప్పాల్సించి , ఇంకా రాయాల్సింది చాలా ఉందని చిన్నికృష్ణ చెబుతున్నారు.   అవును నిజమే ఈయనాల సొంత డప్పు కొట్టుకునే వారు ఎవరు ఉండరని టాలీవుడ్  వాసులు గుసగుసలాడుకుంటున్నారు.