Posted: 05/14/2012 06:45 PM IST

పవన్ కళ్యాణ్ కి చాలా రోజుల తరువాత మంచి రోజులు వచ్చాయని చెప్పడానికి తాజాగా రిలీజ్ అయిన ‘గబ్బర్ సింగ్’ సినిమానే. అవును పవన్ కళ్యాణ్ కి 10 సంవత్సరాల తరువాత మళ్ళీ అతని స్టార్ డమ్ కి తగ్గ హిట్ లభించింది. ఈ సినిమా విజయంతో పవన్ అభిమానులు పండగ చేసుకుంటున్నారు.

ఆ విషయం ప్రక్కన పెడితే.. పవన్ కళ్యాణ్ బుల్లి తెర పై కనిపించబోతున్నాడు ? ఎవరైనా అవకాశాలు లేక బుల్లి తెర పై నటించడానికి ఆసక్తి చూపుతారు. పవర్ స్టార్ బుల్లితెర పై నటించబోవడం ఏంటని ఆశ్చర్యపోకండి.. నిజమే త్వరలో పవన్ బుల్లితెర పై కనిపించబోతున్నాడు. ఏదో సీరియల్ ల్లో, లేక సుమ నిర్వహించే జీన్స్ ప్రోగ్రామ్ లోనో, లేక సాయి కుమార్ నిర్వహించే యాహూ ప్రోగ్రాంలోనో కాదు. సమాజానికి ఉపయోగపడే ఓ మంచి రియాల్టి కార్యక్రమంలో... అన్ని అనుకున్నట్లు జరిగితే...

ఇంతకీ అసలు విషయం ఏంటంటే... సమాజానికి ఏదో విధంగా ఉపయోగ పడాలనే ఉద్దేశ్యంతో బాలీవుడ్ స్టార్ అమీర్ ఖాన్ ఈ మధ్యన చేసిన ‘సత్యమేవ జయతే’ రియాల్టీ షో ఎంత పాపులర్ అయ్యిందో మనందరికి తెలిసిన విషయమే. ఈ షోని వివిధ ప్రాంతీయ భాషలకు ప్రమోట్ చేయాలని అనుకున్నాడట. అనుకున్నదే తడవుగా అమీర్ ఖాన్ ఈ మధ్యనే కేరళ వెళ్ళి అక్కడి సూపర్ స్టార్ అయిన మోహన్ లాల్ ని అడిగాడట. ఆయన నుండి మంచి రెస్పాన్స్ వచ్చిందట. అలాగే ఈ షోని తెలుగులో కూడా ప్రమోట్ చేయడానికి ఎవరైతే బాగుంటుందని ఆలోచించిన అమీర్ ఖాన్ సమాజం కోసం ఎప్పుడు ఏదో చేయాలని, ఆదర్శ భావాలు కలిగిన పవన్ కళ్యాణ్ అయితే ఈ షోకి బాగుందటని అమీర్ ఖాన్ భావించి పవన్ ని సెలక్ట్ చేసుకున్నాడట. త్వరలో ఈ విషయం పై మాట్లాడానికి అమీర్ ఖాన్ హైదరాబాద్ రానున్నట్లు సినీ వర్గాల సమాచారం.

టాలీవుడ్ లో జరిగే ఫంక్షన్లకు గానీ, పార్టీలకు గానీ చాలా తక్కువ హాజరయ్యే హీరోలలో పవన్ కళ్యాణ్ కూడా ఒకడు. మరి ఇలా రియాల్టీ షో చేయడానికి పవన్ అంగీకరిస్తాడా ? అంటే సోషల్ అవేర్ నెస్ కోసం కాబట్టి, అదీ అమీర్ ఖాన్ రిక్వెస్ట్ కనుక తప్పక ఒప్పుకుంటాడని అంటున్నారు. త్వరలో పవన్ ని బుల్లితెర పై కూడా చూడవచ్చు.