Posted: 04/14/2012 01:37 PM IST

బాలీవుడ్‌ అందాల ఐటం బాంబ్‌ రాఖీసావంత్‌.. ధనుష్‌పై కోపం పెంచుకుంట. ఆ మధ్య ఓ ప్రెస్‌మీట్‌లో ధనుష్‌ను ఆడిపోసుకుందట. విషయం ఏంటంటే.. ముంబయిలో ఓ కార్యక్రమంలో 'వై దిస్‌ కొలవెరి' పాట ఆలపించడంలో ధనుష్‌తోపాటు రాఖీసావంత్‌ కూడా పాలుపంచుకోవాల్సి ఉంది.

ఇందుకు ధనుష్‌ కూడా అంగీకరించడంతో ఆమె పూర్వాభినయం కూడా చేసిందట. సరిగ్గా కార్యక్రమం రోజు ధనుష్‌ డుమ్మా కొట్టేశాడట. దీంతో తన సరసన చిందులేయలేదని ధనుష్‌పై కోపం పెంచుకుందట అమ్మడు. దీని గురించి విలేకరులతో మాట్లాడుతూ.. 'అనుకున్న విధంగా ధనుష్‌ కార్యక్రమానికి హాజరు కాకపోవడం బాధగా ఉంది. అతడు వస్తానన్నందువల్లే బాగా ప్రాక్టీస్‌ చేశా. అదంతా వృథా అయింద'ని వాపోయింది. ఈ విషయాన్ని ధనుష్‌ వద్ద ప్రస్తావించగా.. 'వాస్తవానికి ఆరోజు 3 సినిమా విడుదల ఉంది. అందుకే వెళ్లలేకపోయా. దీనికి నేను కూడా చాలా బాధపడుతున్నాన'ని చెప్పాడు.