Posted: 02/15/2012 01:30 PM IST

విజయవాడ పార్లమెంట్ సభ్యుడు లగడపాటి రాజగోపాల్ వైఎస్ జగన్ పై యుద్దానికి సై అంటున్నాడు. అసలు ఏకంగా ఆయన పత్రిక మీదనే .. లగడపాటి లడాయికు దిగటం చాలా విశేషంగా ఉందని రాజకీయ నాయకులు అంటున్నారు. ఇప్పటి వరకు జగన్ పై విమర్శలు చేస్తు వచ్చిన లగడపాటి .. చివరకు ..మీడియా మీద కూడా విమర్శలు చేయటం మొదలు పెట్టాడు. లగడపాటి మొదటిగా జగన్ పత్రిక అయిన సాక్షి మీద ను బ్యాన్ చేయాలని లగడపాటి డిమాండ్ చేస్తున్నాడని .. కాంగ్రెస్ నాయకులు అంటున్నారు. అసలు ఈ ఇద్దరి మద్య ఏం జరిగింది. లగడపాటి జగన్ పత్రిక పై ఎందుకు కోపంగా ఉన్నాడు? అనే ప్రశ్నలు సామాన్య ప్రజల మనస్సుల్లో సుడులు తిరుగుతున్నయని అంటున్నారు.

అసలుఏం జరిగిందంటే? లగడపాటి పై అసత్య కథనాలు ప్రసారం చేసిన జగన్ పత్రికపై ప్రెస్ కౌన్సిల్‌కు ఫిర్యాదు చేయడంతో పాటు లీగల్ నోటీసు కూడా ఇస్తానని విజయవాడ పార్లమెంట్ సభ్యుడు లగడపాటి రాజగోపాల్ చెప్పారు. జగ్గయ్యపేట నియోజకవర్గం మం గొల్లు గ్రామంలో ఇటీవల జరిగిన కార్యక్రమంలో తాను అంబేద్కర్ ఫొటో ఉన్న పేపర్ ప్లేట్‌లో టిఫిన్ చేసి, ఆయనను అవమానించినట్లు జగన్ పత్రికలో కథనం రావటంతో లగడపాటికి కోపం వచ్చిందట. అసలు లగడపాటి టిఫిన్ చేయలేదని చెప్పటం అందరికి తెలిసిన విషయమే.

అయితే కృష్ణా జిల్లా నందిగామ మండలం దాములూరు గ్రామంలో ఆయన విలేకరులతో అసత్య కథనాలు ప్రచురించకుడా ఉండేందుకు తాను ప్రెస్ కౌన్సిల్‌కు ఫిర్యాదు చేస్తానని వెల్లడించారట. ఇప్పటికే తన కార్యాలయాలలో జగన్ పత్రికను నిషేధించానని, కార్యకర్తలకు కూడా అదే సలహా ఇస్తున్నానని చెప్పారు. రాజకీయ నాయకులు, వ్యాపారుల చేతుల్లో మీడియా ఉండడం వల్ల భవిష్యత్‌లో తీవ్ర పరిణామాలు ఎదురౌతాయని ఆందోళన వ్యక్తం చేసారని మీడియా ప్రతినిధులు అంటున్నారు.

అసలు వ్యాపార, రాజకీయ రంగాలలో ఉన్న వారు మీడియాలోకి, మీడియాలో ఉన్న వారు రాజకీయాలలోకి రాకుండా ఉండేందుకు వచ్చే పార్లమెంట్ సమావేశాలలో బిల్లు ప్రవేశపెట్టేందుకు కృషి చేస్తారట. అంతేకాకుండా . జగన్ వెంట వెళ్లిన 17 మంది శాసనసభ్యులపై మార్చి నెలలో అనర్హత వేటు వేస్తామని లగడపాటి చెప్పటం మీడియా ప్రతినిధులను ఆశ్చర్యంలోకి తీసికెళ్లిందని వారు అంటున్నారు.