మెగాస్టార్ చిరంజీవి ‘ఆచార్య’ నుంచి అదిరిపోయే కబురు.. ఫ్యాన్స్ బీ రెడీ..

Posted: 01/27/2021 12:21 PM IST

మెగాస్టార్ చిరంజీవి.. సెన్సెషనల్ డైరెక్టర్ కొరటాల శివ దర్శకత్వంలో ప్రధాన పాత్రలో నటిస్తోన్న చిత్రం ఆచార్య. కరోనా అన్ లాక్ నేపథ్యంలో అన్ని చిత్రాలు తమ షూటింగ్ ను పూర్తి చేసుకుని ఏకంగా విడుదలకు సన్నధమవుతున్న తరుణంలో టీజర్, ట్రైయిలర్ లతో అభిమానులను కానుకలు అందిస్తున్నాయి. కాగా, చిరంజీవి నటిస్తున్న చిత్రం ఆచార్య నుంచి మెగాస్టార్ జన్మదినాన్ని పురస్కరించుకుని ఫస్ట్ లుక్ ను విడుదల చేయడం మినహాయించి ఇప్పటి వరకు ఎలాంటి అప్ డేల్ లేకపోవడంతో మెగా ఫాన్స్ నిరాశకు గురవుతున్నారు.

ఇక సంక్రాంతి, గణతంత్ర దినోత్సవం సందర్భంగా పలు చిత్రాలు తమ అప్ డేట్ లతో అభిమానులను అలరించాయి. దీంతో మెగా ఫ్యాన్స్ కు కూడా కానుకను అందించేందుకు మెగాస్టార్ రెడీ అయ్యారు. తాము లేటుగా అందించినా.. లేటెస్టుగానే ఫ్యాన్స్ ను ఖుషీ చేస్తామని చిత్ర దర్శకుడు కొరటాల శివ అంటున్నారు. ఈ నెల 29న సాయంత్రం తమ ‘ఆచార్య’ చిత్రం నుంచి అభిమానులకు అదిరిపోయే కానుక ఇస్తున్నామని చెప్పారు. ఈ మేరకు ఆయన టీజర్ విడుదల తేదీని తెలియజేస్తూ ఇవాళ ఓ సరికోత్త వీడియోను అభిమానులతో పంచుకున్నారు.

కొణిదెల ప్రోడక్షన్స్, మ్యాట్నీ ఎంటర్ టైన్ మెంట్స్ సంయుక్తంగా నిర్మిస్తున్న ఈ చిత్రానికి కొరటాల శివ దర్శకత్వం వహిస్తున్న విషయం తెలిసిందే. ఈ చిత్రంలో చిరంజీవి సరసన నయనతార నటిస్తున్నారు. ఈ చిత్రంలో మరో కీలకమైన పాత్రలో నిర్మాత మోగా పవర్ స్టార్ రామ్ చరణ్ తేజ్ నటిస్తున్నారు. చరణ్ కు జోడీగా పూజా హెగ్డే నటిస్తున్నారని సమాచారం. ఇక ఇప్పటికే కొరటాల విడుదల చేసిన వీడియోలోనే బ్యాక్ గ్రౌండ్ మ్యూజిక్ అదిరిపోయేట్టుగా వుందని ప్రశంసలు వినిపిస్తున్నాయి. విడుదలకు ముందే సంచలన మ్యూజిక్ కు తెరతీసేలా చేసిన మణిశర్మ ఈ చిత్రానికి స్వరాలు సమకూర్చారు.