విరాటపర్వంలో భారతక్క పాత్రకు ఎంతో ప్రాముఖ్యత

Posted: 06/04/2020 06:59 PM IST

రానా దగ్గుబాటి హీరోగా, సాయిపల్లవి ప్రధాన పాత్రలో రూపొందుతున్న చిత్రం ‘విరాటపర్వం’. వేణు ఉడుగుల దర్శకత్వం వహిస్తున్న ఈ సినిమాలో సీనియర్ హీరోయిన్ ప్రియమణి కీలకపాత్ర పోషిస్తున్నారు. ఇందులో ఆమె కామ్రేడ్‌ భారతక్కగా కనిపించనున్నారు. ఆమె పుట్టినరోజును పురస్కరించుకుని ‘విరాటపర్వం’ చిత్రం నుంచి ప్రియమణి ఫస్ట్ లుక్ ను చిత్ర యూనిట్ విడుదల చేసింది. ఈ అవకాశాన్ని హీరో రానా అందుకుని తన ట్విట్టర్ అకౌంట్ ద్వారా తెలుగు ప్రేక్షకులతో పంచుకున్నారు.

ఈ సందర్భంగా ‘విరాటపర్వం’లో కామ్రేడ్‌ భారతక్క పాత్ర ఎంతో ప్రాముఖ్యత కలిగినదని హీరో రానా అన్నారు. ‘మహా సంక్షోభం కూడా ఒక గొప్ప శాంతికి దారి తీస్తుందని ఆమె నమ్మింది. ఫ్రెంచి విప్లవంలో విద్యార్థుల పాత్ర ఎంత కీలకమో ‘విరాటపర్వం’లో కామ్రేడ్‌ భారతక్క కూడా అంతే కీలకం’ అని రానా పేర్కొన్నారు. ఈ సందర్బంగా ప్రియమణికి చిత్రబృందం నుంచి శుభాకాంక్షలు అందించారు, అమె జన్మదినం సందర్భంగా అమె సహచర నటీనటులు, సినీ ప్రముఖులు, అభిమానుల నుంచి శుభాకాంక్షలు వెల్లువెత్తాయి.