విడుదలకు ముందు.. ‘అశ్వథ్థామ’కు మెగా దీవెనలు

Posted: 01/29/2020 09:52 PM IST

Naga shourya seeks chiranjeevi blessings before release of ashwathama

యువ కథానాయకుడు నాగశౌర్య హీరోగా నటిస్తున్న తాజా చిత్రం అశ్వద్ధామ ఇప్పటికే తెలుగు ప్రేక్షకులలో అంచానాలను పెంచింది. ఈ చిత్రం నుంచి విడుదలైన ట్రైలర్ ఈ అంచనాలను మరింతగా పెంచింది. రమణ తేజను దర్శకుడిగా పరిచయం చేస్తూ, శంకర్ ప్రసాద్ ముల్పూరి సమర్పణలో.. ఐరా క్రియేషన్స్ పతాకంపై ఉషా ముల్పూరి నిర్మించిన ఈ యాక్షన్ చిత్రం ప్రపంచవ్యాప్తంగా ఈ నెల 31న ప్రేక్షకుల ముందుకు రానుంది. ఈ చిత్రానికి హీరో నాగశౌర్య చిత్రకథను అందించడం విశేషం.

అటు చిత్ర ప్రమోషన్ పనులలో బిజీగా వున్నా.. ఈ చిత్రం హిట్ కావాలని కోరుకుంటున్న నాగశౌర్య.. మెగాస్టార్ చిరంజీవి అశ్వీరాదాలను కూడా తీసుకున్నారు. మెగాస్టార్ చిరంజీవిని కలిసి ఆశీస్సులు తీసుకున్నారు. తల్లి ఉషాతో కలిసి శౌర్య చిరు నివాసానికి వెళ్లి, తమ సినిమాకు ఆశీస్సులు అందచేయాలని కోరగా.. చిరు ‘అశ్వథ్థామ’ మంచి విజయం సాధించాలని ఆశీర్వదించారు. ఆయన వెంట తల్లి ఉషా కూడా ఉన్నారు. మెగా డాటర్ నిహారిక, శౌర్య హీరోగా నటించిన ‘ఒక్క మనసు’ సినిమాతో కథానాయికగా పరిచయమైన సంగతి తెలిసిందే