యాభై కోట్ల క్లబ్ లోకి 'వెంకీ మామ' పరుగులు.!

Posted: 12/16/2019 08:34 PM IST

Venky mama box office collection venkatesh naga chaitanya film earns rs 45 crore worldwide

విక్టరీ వెంకటేశ్ .. యువ సామ్రాట్ నాగచైతన్య కథానాయకులుగా రూపొందిన 'వెంకీమామ'.. బొమ్మ దుమ్మదులిపేస్తోంది. ఈ నెల 13వ తేదీన ప్రేక్షకుల ముందుకు వచ్చిన ఈ చిత్రం బాక్సాఫీసును షేక్ చేస్తోంది. కేఎస్ రవీంద్ర దర్శకత్వం వహించిన ఈ ఫ్యామిలీ ఎంటర్టైనర్ ను సంక్రాంతికి విడుదల చేయాలనుకున్నారు. కానీ అప్పటికి గట్టిపోటీ ఉండటంతో, ముందుగానే ప్రేక్షకుల ముందుకు తీసుకొచ్చారు.

గ్రామీణ నేపథ్యంలో సాగిన ఈ కథ, కామెడీ .. ఎమోషన్ .. యాక్షన్ .. సంగీతం .. గ్లామర్ పరంగా ఆడియన్స్ నుంచి మంచి మార్కులు కొట్టేసింది. తొలి మూడు రోజుల్లో ఈ సినిమా ప్రపంచవ్యాప్తంగా 45 కోట్ల గ్రాస్ ను వసూలు చేసింది.. అదే జోరుతో 50 కోట్ల క్లబ్ లోకి అవలీలగా చేరబోతోంది. ఈ మూడు రోజుల్లో తెలుగు రాష్ట్రాల్లో 17.78 కోట్ల షేర్ సాధించిన ఈ సినిమా, ఒక్క నైజామ్ లోనే 6.72 కోట్ల షేర్ ను రాబట్టడం విశేషం. ఈ సినిమాతో ఆర్ఎక్స్ 100 బామ పాయల్ రాజ్ పుత్ .. రాశి ఖన్నా ఖాతాలలోనూ మరో హిట్ చేరిపోయింది.