‘బైరవగీత’ రేటింగ్స్: ఉబ్బితబ్బిబవుతున్న అర్జీవీ

Posted: 12/10/2018 08:57 PM IST

ధనంజయ, ఇర్రా మోర్ హీరో హీరోయిన్లుగా నూతన దర్శకుడు సిద్ధార్థ తాతోలు దర్శకత్వం వహించిన రొమాంటిక్ ఎంటర్‌టైనర్ 'భైరవగీత'కు విమర్శకుల ప్రశంసలు దక్కాయి. రాయలసీమ ఫ్యాక్షన్ బ్యాక్ డ్రాప్ లో తెరకెక్కిన ఈ చిత్రాన్ని వర్మ సమర్పణలో ప్రేక్షకుల ముందుకు తీసుకురాగా.. వర్మ మార్క్ మూవీగా కన్నడ ప్రేక్షకుల నుండి ఊహించని స్థాయి రెస్పాన్స్ రాబట్టింది. ఈ చిత్రం శాండిల్ వుడ్ సినిమా రివ్యూవర్లతో పాటుగా ప్రేక్షకులను నుంచి కూడా మంచి స్పందన రాబట్టింది.

‘శంకర్ రూ. 550 కోట్ల భారీ బడ్జెట్‌తో రూపొదించిన ‘2.0’ చిత్రమా.. అదో చిన్న పిల్లల సినిమా. నా శిష్యుడు సిద్ధార్థ తాతోలు తీస్తున్నాడు చూడండి అసలు సిసలు పెద్దోళ్ల సినిమా ‘భైరవగీత’.. చూసి ఆనందించండి. ‘2.0’ మూవీ చిత్రానికి పోటీగా విడుదల చేస్తున్నా’ అంటూ వివాదాస్పద దర్శకుడు రామ్ గోపాల్ వర్మ తన శిష్యుడు సిద్ధార్థ తాతోలు సినిమా బైరవగీతకు తనదైన ప్రచారం నిర్వహించాడు. అయితే తన నిర్ణయంపై పునరాలోచనలో పడిన తరువాత వాయిదా వేసుకున్నాడు.

డిసెంబర్ 7న నాలుగు చిన్న సినిమాలు (కవచం, నెక్స్ట్ ఏంటి, సుబ్రహ్మణ్యపురం, శుభలేఖ+లు) బరిలో ఉన్నా.. నేనూ ఉన్నా అంటూ డిసెంబర్ 7నే ‘భరవగీత’ రిలీజ్ అంటూ ప్రకటించారు చిత్ర నిర్మాణ సంస్థ. అయితే థియేటర్స్ కొరత వల్ల వెనక్కి తగ్గి డిసెంబర్ 14 తేదీకి ఇక ఫిక్స్ అయిపోండి అంటూ ప్రకటించింది. అయితే కన్నడలో మాత్రం ముందుగా ప్రకటించినట్టుగానే.. డిసెంబర్ 7న విడుదల చేశారు.

ఈ సందర్భంగా వర్మ బైరవగీత చిత్ర యూనిట్ ని అభినందిస్తూ ట్వీట్ చేశారు. తన శిష్యుడు నిర్మించిన చిత్రానికి నేషనల్ వెబ్ సైట్స్ టాప్ రేటింగ్స్‌ను ఇవ్వడంతో వాటిపై తన ఆనందాన్ని వ్యక్తం చేస్తూ.. తన అభిమానులతో కూడా ఆ రేటింగ్స్ ను పంచుకున్నాడు. టైమ్స్ ఆఫ్ ఇండియా 3. 5, డెక్కన్ క్రానికల్ 3, విజయ కర్ణాటక 3.5, కన్నడ ప్రభ 3, సినిమా ఎక్స్ ప్రెస్ 3 స్టార్లు ఇచ్చినట్టుగా వర్మ ట్వీట్ చేశారు. మరి తెలుగు ప్రేక్షకులు ‘భైరవగీత’కు ఎంత రేటింగ్ ఇస్తారో డిసెంబర్ 14న తేలిపోనుంది.

CONGRATS ⁦@Dhananjayaka⁩ @Irra_Mor @ThattSidd TIMES OF INDIA 3.5 STARS
DECCAN HERALD 3 STARS
VIJAYA KARNATAKA 3.5 STARS
KANNADA PRABHA 3 STARS
CINEMA EXPRESS 3 STARS #BhairavaGeetha releasing DECEMBER 14th pic.twitter.com/GfkcsF3v1u

— Ram Gopal Varma (@RGVzoomin) December 9, 2018