ఎన్టీఆర్ కథనాయకుడు చిత్రంలో అనుష్క..

Posted: 11/08/2018 08:00 PM IST

క్రిష్‌ దర్శకత్వంలో బాలకృష్ణ ప్రధాన పాత్రగా తెరకెక్కిస్తున్న ఎన్టీఆర్‌ బయోపిక్‌ రెండు భాగాలుగా తెరకెక్కుతున్న విషయం తెలిసిందే. ఎన్టీఆర్ కథనాయకుడు చిత్రం తొలుత విడుదలైన తరువాత ఎన్టీఆర్ మహానాయకుడుగా రెండవ భాగం విడుదల కానుంది. అయితే ఈ రెండు చిత్రాల విడుదల మధ్య పెద్దగా వత్యాసం పెట్టకూడదని కూడా నిర్మాణవర్గాలు స్పష్టం చేశాయి.

కాగా తొలిభాగం విడుదలకు కొన్ని రోజులే వున్న నేపథ్యంలో ప్రస్తుతం ఈ చిత్ర షూటింగ్ ను శరవేగంగా జరుపుకుంటోంది. అయితే ఈ చిత్రానికి సంబంధించి మరో తాజా అప్ డేట్ వచ్చింది. ఇప్పటికే ఎందరో కథనాయకులను, కధానాయికలను ఈ చిత్రంలో భాగం చేసిన చిత్రవర్గాలు తాజాగా మరో ప్రముఖనటికి కూడా జొప్పించాయిని సమాచారం. అమె మరెవరో కాదు.. హీరోయిన్ అనుష్క.

ఆ రోజుల్లో ఎన్టీఆర్‌ సరసన పలుచిత్రాల్లో నటించి మెప్పించిన ఓ అలనాటి కథానాయిక పాత్రలో అనుష్క నటించనుంది. బి.సరోజా పాత్రలో అనుష్క నటించనుంది. అప్పట్లో ఎన్టీఆర్‌ సరసన సరోజాదేవి చాలా సినిమాల్లో నటించారు. అందులో చాలా చిత్రాలు సూపర్‌హిట్‌ అయ్యాయి. ఆ చిత్రాలకు సంబంధించిన షూటింగ్‌ సంఘటనలను ఈ బయోపిక్‌లో చూపించనున్నారు. త్వరలో జరగబోయే షెడ్యూల్‌లోనే అనుష్కశెట్టి చిత్ర బృందం ఆ సన్నివేశాల తాలూకు సీన్స్‌ను చిత్రీకరించనున్నారు.