‘‘ఆర్ఎక్స్ 100’’ కూడా పరుగులు పెడుతోంది..

Posted: 08/31/2018 06:58 PM IST

Rx 100 movie completes 50 days in 26 centres

కార్తికేయ హీరోగా అజయ్ భూపతి దర్శకత్వంలో 'ఆర్ ఎక్స్ 100' చిత్రం బ్లాక్ బస్టర్ గా నిలిచింది. ఇంటెన్సివ్ లవ్ స్టోరీగా వచ్చిన ఈ సినిమాకు మొదట నెగెటివ్ రివ్యూస్ వచ్చినా కేవలం మౌత్ టాక్ తో బ్లాక్ బస్టగా నిలిచి ఎంటైర్ టాలీవుడ్ ను సర్ ప్రైజ్ చేసింది. కేవలం రెండు కోట్ల బడ్జెట్ తో రూపొందిన ఈ మూవీ ఏకంగా 14కోట్లకు పైగా బాక్సాఫీసు వద్ద వసూళ్లను రాబట్టి విమర్శకుల నోళ్లకు తాళాలు వేసింది.

జూలై 12వ తేదీన విడుదలైన ఈ సినిమా, తెలుగు రాష్ట్రాల్లో ఇంకా తన కలెక్షన్లను రాబడుతూనే వుంది. యూత్ కి విపరీతంగా కనెక్ట్ కావడంతో అనూహ్యమైన విజయాన్ని అందుకుంది. ఆ తరువాత కొత్త సినిమాలు చాలానే వచ్చినా, ఈ సినిమా వసూళ్లపై పెద్దగా ప్రభావం చూపలేకపోయాయి. మొత్తంగా ఈ సినిమాలో ఏముందీ అనుకున్నవారికి కూడా షాక్ ఇస్తూ ఇంకా తన జైత్రయాత్రను కొనసాగిస్తుంది.

ఫలితంగా ఈ సినిమా నిన్నటితో 50 రోజులను పూర్తిచేసుకోవడం విశేషం. తెలుగు రాష్ట్రాల్లో 26 సెంటర్లలో ఈ సినిమా 50 రోజులను పూర్తిచేసుకోవడం పట్ల ఈ సినిమా టీమ్ ఆనందాశ్చర్యాలను వ్యక్తం చేస్తోంది. ఒక చిన్న సినిమా ఇన్నేసి థియేటర్స్ లో .. ఈ స్థాయి వసూళ్లను రాబట్టడం విశేషమని చెప్పుకుంటున్నారు. ఈ సినిమా తరువాత దర్శకుడు అజయ్ భూపతికి .. హీరో కార్తికేయకి .. కథానాయిక పాయల్ రాజ్ పుత్ కి వరుస అవకాశాలు వస్తోన్న సంగతి తెలిసిందే.