మున్నాభాయ్ ఒరవడి చిత్రంలో నాగ్-నానీ

Posted: 06/21/2018 07:36 PM IST

శ్రీరామ్ ఆదిత్య దర్శకత్వంలో నాగార్జున .. నాని కథానాయకులుగా ఒక మల్టీ స్టారర్ మూవీ రూపొందుతోంది. నాగార్జున సరసన ఆకాంక్ష సింగ్ .. నాని జోడీగా రష్మిక మందన కథానాయికలుగా నటిస్తున్నారు. ఈ సినిమాలో నాగార్జున డాన్ గా కనిపించనుండగా .. డాక్టర్ పాత్రను నాని పోషిస్తున్నాడు. దాంతో ఈ సినిమా అంతా సీరియస్ గా కొనసాగుతుందని అనుకున్నారు. యాక్షన్ పార్టు ఎక్కువగా ఉండొచ్చని భావించారు.

కానీ ఈ సినిమా పూర్తి వినోదభరితంగా సాగుతుందనే టాక్ ఫిల్మ్ నగర్లో వినిపిస్తోంది. నాగార్జున .. నాని పాత్రల మధ్య చోటుచేసుకునే హాస్య సన్నివేశాలు ప్రేక్షకులకు గిలిగింతలు పెడతాయని అంటున్నారు. ఇక ఫ్యామిలీ ఆడియన్స్ ను కదిలించే ఎమోషన్స్ పాళ్లు కూడా ఈ సినిమాలో ఎక్కువగానే ఉన్నాయని చెబుతున్నారు. అశ్వనీదత్ నిర్మిస్తోన్న ఈ సినిమా ఇప్పటికే కొంతవరకూ చిత్రీకరణను పూర్తి చేసుకుంది. త్వరలోనే టైటిల్ ను ఖరారు చేసి .. ఫస్టులుక్ ను రిలీజ్ చేయనున్నారు.