నాని ఎంసీఏ ఊపు కంటిన్యూ అవుతుందా?

Posted: 12/23/2017 03:34 PM IST

నాని 'మిడిల్ క్లాస్ అబ్బాయ్' సినిమాకు మొదటి రోజు మిశ్రమ స్పందన లభించింది. అయితే చిత్రంపై హైప్ తో కలెక్షన్లు మాత్రం భారీగానే వచ్చాయి.

తొలి రోజున తెలుగు రాష్ట్రాల్లో 11 కోట్లను రాబట్టిన ఈ సినిమా, ప్రపంచ వ్యాప్తంగా 15 కోట్లకి పైగా వసూలు చేసింది. అమెరికా . ఆస్ట్రేలియా .. ఇతర దేశాల్లోను ఈ సినిమా వసూళ్లు పెరుగుతూ పోతుండటం విశేషం. ఆస్ట్రేలియా బాక్సాఫీస్ చార్టులో ఈ సినిమా 12వ స్థానంలో నిలిచిందని చెబుతున్నారు. ఇక నిన్న కూడా ఈ సినిమా అక్కడ 15.47 లక్షలను వసూలు చేసిందని అంటున్నారు.

సాయిపల్లవి కథానాయికగా నటించిన ఈ సినిమాలో, భూమిక కీలకమైన పాత్రను పోషించింది. నాని .. సాయిపల్లవికి గల క్రేజ్ కారణంగా ఈ సినిమా, తొలి రోజున భారీ ఓపెనింగ్స్ ను సాధించి పెట్టాయి. వరుసగా సెలవులు ఉన్న నేపథ్యంలో మరో రెండు రోజులు నాని చిత్రం కుమ్ముకునే ఛాన్స్ ఉంది.