మహేష్ 25 టైటిల్ ఫిక్స్?

Posted: 10/23/2017 06:31 PM IST

మహేశ్ బాబు .. కొరటాల శివ కాంబోలో 'భరత్ అను నేను' షూటింగ్ శరవేగంగా జరుగుతోంది. మహేశ్ బాబు కెరియర్లో ఇది 24వ సినిమా. ఇందులో ఆయన ముఖ్యమంత్రిగా కనిపించనున్న సంగతి తెలిసిందే. ఆ తరువాత మహేశ్ బాబు .. తన 25వ సినిమాను వంశీ పైడిపల్లి దర్శకత్వంలో చేయనున్నాడు. ఆ ప్రాజెక్టుకు సంబంధించిన పనులు కూడా చకచకా జరిగిపోతున్నాయి.

ఈ సినిమా టైటిల్ విషయంలో మహేశ్ అభిమానులంతా కూడా ఎంతో ఆసక్తిగా వున్నారు. ఈ సినిమా కోసం రెండు టైటిల్స్ ను పరిశీలిస్తున్నట్టుగా సమాచారం. ఒక టైటిల్ 'కృష్ణా ముకుందా మురారి' అయితే, 'హరేరామ హరే కృష్ణ' అనేది మరో టైటిల్. ఈ రెండింటిలో 'కృష్ణా ముకుందా మురారి' టైటిల్ వైపు మొగ్గుచూపే అవకాశాలు వున్నట్టుగా చెబుతున్నారు. గ

తంలో 'బృందావనం' వంటి యాక్షన్ తో కూడిన ఫ్యామిలీ ఎంటర్టైనర్ ను అందించిన వంశీ పైడిపల్లి, ఈ సారి కూడా ఫ్యామిలీ ఆడియన్స్ ను దృష్టిలో పెట్టుకునే మహేశ్ తో కలిసి రంగంలోకి దిగుతున్నాడనేది ఇండస్ట్రీ టాక్. అయితే ఇప్పటివరకు ఈ సినిమా గురించి ఎలాంటి అప్ డేట్లు లేవు కాబట్టి అధికారికంగా వచ్చే వరకు వేచి చూడాల్సిందే.