పవన్ 25వ చిత్ర టైటిల్ అజ్ఞాతవాసి? మ్యూజిక్ బిట్ రిలీజ్

Posted: 09/02/2017 07:03 AM IST

Pawan new movie agnatavasi and music bit release

పవర్ స్టార్ పవన్ కళ్యాణ్ పుట్టిన రోజు కానుక ఇచ్చేశాడు. రాత్రి మూడు గంటల సమయంలో అనిరుధ్ మ్యూజిక్ లోని ఓ ట్యూన్ ను రిలీజ్ చేశారు. లిరిక్స్ లోని పల్లవితో కూడిన సాంగ్ ఆకట్టుకుంది. బయటికొచ్చి చూస్తే టైమోమే 3 క్లాక్.. అంటూ హమ్ ఇచ్చేశాడు.

మేకింగ్ వీడియో తరహాలో పక్కనే త్రివిక్రమ్ కూడా ఆ వీడియోలో ఉన్నాడు. ఇక ఆఖరికి అసలు మజా అందించాడు. యాక్షన్ సన్నివేశంలోని ఓ బిట్ ను వదిలారు. వైట్ టీ షర్ట్ వేసుకున్న పవన్ సీరియస్ గా చైర్ ను తిప్పిన సన్నివేశం అందులో ఉంది. పైగా చివరల్లో 10.01.18 అంటూ సంక్రాంతి కానుకగా సినిమా వచ్చేస్తుందని హింట్ కూడా ఇచ్చేశారు.

ఇదిలా ఉంటే ఈ చిత్ర టైటిల్ విషయంలో కూడా ఓ క్లారిటీ వచ్చేసింది. అజ్ఞాతవాసి అనే టైటిల్ ఫిక్స్ చేసినట్లు తెలుస్తోంది. ప్రవాసవాసి అన్న టైటిల్ కూడా అనుకున్నప్పటికీ అ సెంటిమెంట్ తో త్రివిక్రమ్ అజ్ఞాతవాసి కే మొగ్గుచూపినట్లు సమాచారం. త్వరలోనే దీనిపై అధికారిక ప్రకటన రానుంది.