చెర్రీ-సుక్కూ... మొత్తం లుంగీ డాన్సేనంట

Posted: 04/11/2017 11:58 AM IST

సుకుమార్ తో రొమాంటిక్ పీరియడ్ డ్రామాను మొదలుపెట్టేశాడు మెగా పవర్ స్టార్ రాంచరణ్. ఫస్ట్ లుక్ లో లుంగీతోనే కావటి మోస్తున్నట్లు వెనకాల నుంచి ఓ పోస్టర్ ను వదిలగా, రీసెంట్ గా లుంగీ, బనియన్ తో ఉన్న చెర్రీ షూటింగ్ మొదలైందంటూ ఓ ఫోటోను తన సోషల్ మీడియాలో అప్ లోడ్ చేసిన విషయం తెలిసిందే. ఇప్పటిదాకా మెగా హీరోలంతా పంచెలతో సందడి చేస్తుంటే... చెర్రీ మాత్రం ఊర మాస్ లుంగీ గెటప్ లోనే కనిపించబోతున్నాడని ఓ క్లారిటీ అయితే వచ్చేసింది.

మాములుగా అయితే తన సినిమాల కాస్టూమ్ కోసం బ్యాంకాక్, దుబాయ్ లేదా లండన్ వెళ్లి అక్కడ ఇంటర్నేషనల్ డిజైనర్లు రూపొందించిన వాటికి ప్రాధాన్యత ఇచ్చే చెర్రీ ఇప్పుడు మాత్రం ఆ పని చేయడటం లేదంట. కథకు, పాటలకు సంబంధించిన వరకు ఎక్కడా కూడా మోడ్రన్ టచ్ చూపించాల్సిన అవసరం లేదు. అందుకే వీలైనంత వరకు రియలిస్టిక్ గానే ఉండేలా సుక్కూ కూడా కేర్ తీసుకుంటున్నట్లు సమాచారం.

ఇక కంప్లీట్ లవ్ స్టోరీగా రూపొందుతున్న ఈ చిత్రంలో సమంత వేషాధారణ కూడా చాలా ఢిఫరెంట్ గా ఉండబోతుందని తెలుస్తోంది. మొత్తానికి చెర్రీ లుంగీ డాన్స్ ఐడియా క్రెడిట్ మొత్తం సుకుమార్ ఖాతాలోకే వెళ్లిపోబోతుంది. 55 కోట్ల బడ్జెట్ తో మైత్రీ మూవీ మేకర్స్ ఈ చిత్రాన్ని నిర్మిస్తున్నారు. వైభవ్, అనసూయలు కీలక పాత్రల్లో కనిపించబోతున్నారు.