కాటమరాయుడు కూడా డౌటేనా?

Posted: 08/30/2016 12:58 PM IST

డాలీ దర్శకత్వంలో పవన్ కల్యాణ్ కథానాయకుడిగా ఒక సినిమా రూపొందుతోన్న సంగతి తేలిసిందే. అయితే రాజకీయాల్లో బిజీ అవుతున్న పవన్ ఈ సినిమాను త్వరగతిన పూర్తి చేయగలుగుతాడా? అన్న సందేహాల నడుమ. రెండింటిని బ్యాలెన్స్ చేసుకునే దిశగా ఫ్లాన్ చేస్తున్నాడని తెలుస్తోంది. సెప్టెంబర్ మొదటివారం నుంచి రెగ్యులర్ షూటింగ్ జరపడానికి సన్నాహాలు చేస్తున్నారు. శరత్ మరార్ నిర్మిస్తోన్న ఈ సినిమాలో శ్రుతిహాసన్ కథానాయికగా నటిస్తోంది.

ఓవైపు జనసేన తరపున సభల్లో పాల్గొంటూనే, ఇంకోవైపు ఈ సినిమా షూటింగులో పాల్గొనే దిశగా షెడ్యూల్ మార్చమని సన్నిహితుడు, నిర్మాత శరత్ మరార్ కు అల్రెడీ సూచించాడంట. ఇక ఫాక్షన్ నేపథ్యంలో రూపొందుతున్న ఈ చిత్రానికి కడప కింగ్ అనే టైటిల్ పరిశీలనలో ఉన్నట్లు ఇది వరకే చెప్పుకున్నాం. ఇప్పుడు ఈ సినిమా టైటిల్ మారనుందని, 'కాటమరాయుడు' పేరును పరిశీలిస్తున్నారనే టాక్ ఫిల్మ్ నగర్లో వినిపిస్తోంది. అత్తారింటికి దారేదిలో కాటమరాయుడా పేరుతో పవన్ పాట పాడిన సంగతి తెలిసిందే. దీంతో ఈ టైటిల్ అయితే క్రేజ్ ఎక్కువగా ఉంటుందని భావిస్తున్నారంట.

అయితే కమెడియన్ సప్తగిరి హీరోగా కాటమరాయుడు అనే ఓ చిత్రం రాబోతుందని ఆ మధ్య ఫిల్మ్ నగర్ లో వార్తలు వినిపించాయి. ఈ నేపథ్యంలో ఈ టైటిల్ ఫిక్స్ చేశారన్న వార్తలో ఎటువంటి క్లారిటీ లేదు. అధికారికంగా సమాచారం రావాల్సి ఉంది.