గ్యారేజ్ ముందుగానే ఎందుకంటే...

Posted: 08/24/2016 09:42 AM IST

యంగ్ టైగర్ రిలీజ్ డేట్ అఫీషియల్ అనౌన్స్ చేసింది మైత్రి మూవీ మేకర్స్ టీం. సెప్టెంబర్ రెండో తేదీ భారత్ బంద్ ఉందా లేదా అన్న కన్ఫ్యూజన్ నడుమ, 1వ తేదీనే రిలీజ్ చేసేందుకు సిద్ధమైపోయింది. ఈ మేరకు నిన్న సాయంత్రం రిలీజ్ డేట్ పోస్టర్లను రిలీజ్ చేసింది.   

ఒక రోజు ముందు రావడం వల్ల కలిసిరావటమే తప్పించి, పోయేదేం లేదన్న భావనలో ఉన్న గ్యారేజ్ టీం ఈ నిర్ణయానికి వచ్చింది. గురువారం నుంచి మొదలుపెడితే సోమవారం కూడా వినాయకచవితితో సెలవు రావటం, ఈ ఐదు రోజుల సెలవు దినాలను సద్వినియోగం చేసుకోవాలని అనుకుంటున్నారు.

అల్రెడీ టాకీ పూర్తి కావటంతో, ఈ నెల 27కల్లా ఫస్ట్ కాపీ రెడీ అవగొట్టి, వెంటనే సెన్సార్ కార్యక్రమాలు పూర్తి చేయాలని అనుకుంటున్నారు. సెప్టెంబర్ 1న ప్రపంచ వ్యాప్తంగా భారీ స్థాయిలో సినిమాను రిలీజ్ చేయాలని ప్లాన్ చేస్తున్నారు.  కొరటాల శివ, ఎన్టీఆర్ చెరో రెండు బ్లాక్ బస్టర్ లతో ఫాంలో ఉండటంతో అంచనాలు ఆకాశాన్ని అంటాయి. ఒకవేళ టాక్ అదిరిపోతే మాత్రం టాలీవుడ్ లో కొత్త రికార్డులు పుట్టుకు రావటం ఖాయం.