హీరోయిన్ కు మహేష్ ఇచ్చిన పనిష్మెంట్

Posted: 05/09/2016 06:47 PM IST

Mahesh gives shocks to brahmotsavam heroine

సినిమా షూటింగ్ సమయాల్లోనే హీరోయిన్లు కాస్త ఆలస్యంగా వస్తారనే విషయం తెలిసిందే. ఇక సినిమా ప్రమోషన్ కార్యక్రమాల్లో పాల్గొనలంటే మాత్రం అందుకు మరింత ఎక్కువ రెమ్యునరేషన్ వసూలు చేస్తుంటారు. పైగా ప్రమోషన్ కార్యక్రమాల్లో సరైన ఇన్ఫర్మెషన్ కూడా వుండదు. ఇదిలా వుంటే తాజాగా బాపు బొమ్మగా పేరు తెచ్చుకున్న ప్రణీతకు సూపర్ స్టార్ మహేష్ బాబు పబ్లిక్ గా పరోక్షంగా పనిష్మెంట్ ఇచ్చాడు. ఇంతకీ ప్రణీత ఏం చేసిందో తెలుసా?

మహేష్, కాజల్, సమంత, ప్రణీత హీరోహీరోయిన్లుగా నటించిన తాజా చిత్రం ‘బ్రహ్మోత్సవం’. ఈ సినిమా ఆడియో విడుదల కార్యక్రమం ఇటీవలే ఘనంగా జరిగింది. ఈ కార్యక్రమానికి మహేష్ సరైన సమయానికి వచ్చేసాడు. కానీ మహేష్ వచ్చిన 10 నిమిషాల తర్వాత కాజల్ విచ్చేసింది. ఆ తర్వాత మరో 30 నిమిషాలకు సమంత వచ్చింది. అయితే వీరిద్దరు పలు సినిమా షూటింగ్ లతో బిజీగా వుండటం వల్ల ఆలస్యమయ్యిందని అందరూ భావించారు.

కానీ ప్రస్తుతం తెలుగులో ఎలాంటి అవకాశాలు లేని ప్రణీత మాత్రం ఏకంగా దాదాపు 45నిమిషాలు ఆలస్యంగా వచ్చింది. ఈ హీరోయిన్ల ఎంట్రీ సమయాన్ని మహేష్ గమనించాడు. దీంతో ప్రణీతకు అక్కడే తగిన పనిష్మెంట్ ఇచ్చేసాడు. స్టేజ్ పైన కాజల్, సమంతల గురించి మాత్రమే మాట్లాడారు మహేష్.. కానీ తన పక్కనే వున్న ప్రణీత గురించి మాట్లాడనే లేదు. అసలు ప్రణీత ఊసే తీయలేదు. దీంతో తన పేరును ప్రస్తావించకపోవడంతో అందరిముందు నవ్వుతూనే వున్నప్పటికీ.. వేడుక పూర్తవ్వగానే వెంటనే తన కారులో ప్రణీత సైలెంట్ గా వెళ్లిపోయింది.

దీంతో ఈ అమ్మడికి మహేష్ సరైన పనిష్మెంట్ ఇచ్చాడంటూ వేడుకకు వచ్చినవాళ్లంతా కామెంట్లు చేసుకున్నారు. మహేష్ ఇచ్చిన షాక్ కు ప్రణీత బాగానే హర్ట్ అయ్యినట్లుగా తెలిసింది. ఇప్పటికైనా ఏదైనా కార్యక్రమంలో సరైన సమయానికి హాజరవుతుందో లేదో చూడాలి. ముందుముందు ‘బ్రహ్మోత్సవం’ ప్రమోషన్స్ కార్యక్రమంలో పాల్గొంటుందో లేక మహేష్ పై అలిగి ప్రమోషన్స్ లో పాల్గొగకుండా వుంటుందో చూడాలి. మరి ఏం జరుగనుందో చూడాలి.