సుదీప్ ను కాదని వివేక్ ను తీసుకున్న వర్మ

Posted: 04/16/2016 06:09 PM IST

Ram gopal varma rai film with vivek oberoi

దర్శకుడు రాంగోపాల్ వర్మ దర్శకత్వంలో ప్రారంభమయ్యి.. విడుదల కాకుండా ఆగిపోయిన చిత్రాల జాబితా బాగానే వుంది. ఆ సినిమాలను పూర్తి చేసి, విడుదల చేయకుండా వరుసగా సినిమాలను చేసుకుంటూ వెళ్తున్నాడు వర్మ. తాజాగా మరో చిత్రాన్ని తెరకెక్కిస్తున్నాడు. బాలీవుడ్ నటుడు వివేక్ ఒబేరాయ్ ప్రధాన పాత్రలో వర్మ దర్శకత్వంలో ఓ చిత్రం తెరకెక్కుతోంది.

ఈ చిత్రానికి ‘రాయ్’ అనే టైటిల్ ఖరారు చేసాడు వర్మ. ఈ విషయాన్ని తన సోషల్ మీడియా అకౌంట్ ద్వారా తెలియజేసారు. ఈ చిత్ర ప్రారంభోత్సవ కార్యక్రమాన్ని మే 1న నిర్వహించనున్నారు. ముందుగా ఈ పాత్రకోసం సుదీప్ ను అనుకున్నప్పటికీ... కొన్ని కారణాల వల్ల వివేక్ తీస్తున్నామని వర్మ చెప్పుకొచ్చారు.

డాన్ నుంచి కార్యకర్తగా మారిన ముత్తప్ప రాయ్ తన కోరిక మేరకు మే 1న ఈ చిత్ర ఫస్ట్ లుక్ పోస్టర్ ను విడుదల చేయడానికి అంగీకరించారని, ఆరోజున ఆయన పుట్టినరోజు అని తెలిపారు. ఈ చిత్ర షూటింగ్ ను మంగళూర్, బెంగళూర్, ముంబాయి, దుబాయ్, లండన్లో జరుపనున్నారు. సీఆర్ మనోహర్ ఈ చిత్రానికి నిర్మాతగా వ్యవహరించనున్నారు. తెలుగు, తమిళం, కన్నడం, హిందీ భాషలలో ‘రాయ్’ చిత్రాన్ని తీస్తున్నట్లుగా వర్మ తెలిపారు.