పాటలు పాడుకుంటున్న ఉత్తేజ్ కూతురు

Posted: 01/05/2016 09:40 AM IST

మహేశ్వర ఆర్ట్స్ బ్యానర్ పై శ్వేతామీనన్, మహత్ రాఘవేంద్ర, చైతన్య ఉత్తేజ్, సోనియా అగర్వాల్ ప్రధాన తారాగణంగా రూపొందుతున్న తాజా చిత్రం ‘షీ’. పర్సరమేష్ మహేంద్ర దర్శకత్వంలో కల్వకుంట్ల తేజేశ్వర్ రావు ఈ చిత్రాన్ని నిర్మిస్తున్నారు. ‘షీ ఈజ్ వెయిటింగ్’ అనేది ట్యాగ్ లైన్.

ఇటీవలే తొలి షెడ్యూల్ ను పూర్తి చేసుకుని, ప్రస్తుతం సెకండ్ షెడ్యూల్ ను జరుపుకుంటుంది. ప్రస్తుతం ఓ సాంగ్ ను చిత్రీకరిస్తున్నారు. మూడు రోజుల్లో ఈ సాంగ్ ను పూర్తిచేయనున్నారు. జనవరి 16కు సెకండ్ షెడ్యూల్ పూర్తి కానుంది. మార్చి నెలలో ఈ సినిమాను విడుదల చేయడానికి సన్నాహాలు చేస్తున్నారు. త్వరలోనే విడుదల తేదిని ప్రకటించనున్నారు.