బెంగాల్ టైగర్ సెన్సార్ రిపోర్ట్

Posted: 12/02/2015 10:13 AM IST

‘కిక్2’ తర్వాత మాస్ మహారాజ్ రవితేజ హీరోగా నటించిన తాజా చిత్రం ‘బెంగాల్ టైగర్’. ‘రచ్చ’ ఫేం దర్శకుడు సంపత్ నంది దర్శకత్వంలో తెరకెక్కిన ఈ చిత్రాన్ని శ్రీ సత్యసాయి ఆర్ట్స్ బ్యానర్ పై కె.రాధామోహ‌న్ నిర్మించారు. భీమ్స్ అద్భుతమైన సంగీతాన్ని అందించాడు. ఇటీవలే ట్రిపుల్ ప్లాటినమ్ డిస్క్ వేడుకలను ఘనంగా జరుపుకున్నారు.

తాజాగా సెన్సార్ కార్యక్రమాలను పూర్తి చేసుకుంది. ఈ చిత్రానికి సెన్సార్ వారు U/A సర్టిఫికెట్ ను అందజేసారు. కమర్షియల్ యాక్షన్ ఎంటర్ టైనర్ గా రూపొందిన ఈ చిత్రంలో రవితేజ సరసన తమన్నా, రాశిఖన్నాలు హీరోయిన్లుగా నటించారు. అక్ష ఓ ముఖ్య పాత్రలో నటించింది.

ఇప్పటికే విడుదలైన ట్రైలర్లు, పాటలు మంచి టాక్ ను సొంతం చేసుకున్నాయి. భారీ అంచనాలతో రూపొందుతున్న ఈ చిత్రాన్ని ఈనెల 10వ తేదిన ప్రపంచ వ్యాప్తంగా భారీ ఎత్తున విడుదల చేయనున్నారు. మరి ఈ సినిమా ఎలాంటి విజయం సాధించనుందో చూడాలి.