అన్నదమ్ములుగా మారనున్న యువహీరోలు

Posted: 11/21/2015 09:45 AM IST

Naga shourya play brother role in jo achyutananda

‘అష్టాచెమ్మా’ సినిమాతో నటుడిగా ఎంట్రీ ఇచ్చి, ఆ తర్వాత ‘ఊహలు గుసగుసలాడే’ సినిమాతో దర్శకుడిగా మారి భారీ విజయాన్ని సొంతం చేసుకున్న దర్శకుడు అవసరాల శ్రీనివాస్. ప్రస్తుతం అవసరాల శ్రీనివాస్ దర్శకత్వంలో తెరకెక్కుతున్న తాజా చిత్రం ‘జ్యో అచ్చుతానంద’. ఇందులో నారా రోహితో హీరోగా నటించనున్నాడు.

అయితే తాజాగా ఈ సినిమాలో యువ హీరో నాగశౌర్య కూడా చేరనున్నట్లుగా తెలిసింది. ‘ఊహలు గుసగుసలాడే’ సినిమాతో దర్శకుడిగా అవసరాల శ్రీనివాస్ కు, హీరోగా నాగశౌర్యకు మంచి బ్రేక్ లభించింది. అందువల్ల ఈ సినిమా కోసం దర్శకుడు అడగగానే నాగశౌర్య వెంటనే అంగీకరించారు.

ఇందులో నారా రోహిత్ కు తమ్ముడి పాత్రలో నాగశౌర్య నటించనున్నాడు. వారాహి చలనచిత్రం బ్యానర్ పై రూపొందనున్న ఈ చిత్రానికి కళ్యాణ్ కోడూరి సంగీతం అందించనున్నాడు. ఈ సినిమా ఫిబ్రవరి నెలలో సెట్స్ పైకి వెళ్లనుంది. త్వరలోనే అన్ని వివరాలను చిత్ర యూనిట్ అధికారికంగా ప్రకటించనున్నారు.