కత్తిలాంటి కరీనా... భారీ బరువు డ్రెస్సులో పిచ్చెక్కించేసిందట!

Posted: 10/30/2015 11:08 AM IST

బాలీవుడ్ స్లిమ్ అండ్ హాట్ సెక్సీ హీరోయిన్ కరీనా కపూర్ మరోసారి తన డెడికేషన్ తో వార్తల్లో నిలిచింది. ఈ అమ్మడు ఏ సినిమాలో నటించినా కూడా తన పాత్రకు పూర్తి న్యాయం చేస్తుందనే మంచి టాక్ వుంది. అయితే ప్రస్తుతం కరీనా నటిస్తున్న తాజా చిత్రం ‘కీ అండ్ కా’.

ఆర్ బాల్కీ దర్శకత్వంలో తెరకెక్కుతున్న ఈ సినిమా షూటింగ్ సమయంలో కరీనా డెడికేషన్ చూసి చిత్ర యూనిట్ అంతా ఆశ్చర్యపోయారు. దీనికి గల కారణం తాను వేసుకున్న దుస్తులు. ప్రస్తుతం ఈ సినిమాలోని ఓ భారీ సాంగ్ ను చిత్రీకరిస్తున్నారు. ఈ సాంగ్ లో కరీనా లుక్ చాలా గ్రాండ్ గా వుండేందుకోసం ప్రముఖ డిజైనర్ మనీష్ మల్హోత్రాతో ఓ డ్రెస్ డిజైన్ చేయించాడు బాల్కీ.

గ్రాండ్ గా వుండాలని డిజైన్ చేసిన ఆ డ్రెస్ బరువు చివరకు 32 కిలోలకు చేరింది. ఈ డ్రెస్ పూర్తిగా ట్రెడిషనల్ లుక్ లో వుంటుంది. ఈ 32 కిలోల బరువు గల డ్రెస్ వేసుకొని కరీనా షూటింగ్ లో పాల్గొంది. రెండు రోజుల పాట ఈ పాటను చిత్రీకరించారు. రెండు రోజుల పాటు ఆ డ్రెస్ తో కరీనా ఎక్కడ కూడా ఇబ్బంది పడకుండా చాలా చక్కగా నటించడంతో... ఈ అమ్మడి డెడికేషన్ చూసి చిత్ర యూనిట్ ఆశ్చర్యపోయారు.

కామెడీ డ్రామాగా రూపొందుతున్న ఈ చిత్రంలో కరీనాతో పాటు అమితాబ్ బచ్చన్, జయాబచ్చన్, అర్జున్ కపూర్ మరియు తదితరులు ప్రధాన పాత్రలలో నటిస్తున్నారు. త్వరలోనే ఈ చిత్రాన్ని ప్రేక్షకుల ముందుకు తీసుకురానున్నారు.