మహిళ సమావేశాల నుంచి క్వీన్ భామకు ఆహ్వానం

Posted: 10/05/2015 03:25 PM IST

Kangana ranaut to attend women in the world summit

ఎప్పుడూ ఏదో ఒక వార్తల్లో నిలుస్తూ వుండే బాలీవుడ్ హాట్ హీరోయిన్ కంగనా రనౌత్ కు ఓ అరుదైన గౌరవం దక్కింది. ప్రపంచ వ్యాప్తంగా అమ్మాయిలు, మహిళలు ఎదుర్కొంటున్న సమస్యలపై ‘ఉమెన్ ఇన్ ది వరల్డ్’ పేరుతో సమావేశాలు జరుగనున్నాయి. ఈ చర్చలు ఈనెల 8, 9వ తేదిలలో లండన్ లో జరుగనున్నాయి.

అయితే ఈ సమావేశంలో పాల్గొనాలని కంగనాకు ఆ సమిట్ నుంచి ఆహ్వానం అందింది. కంగనా ఈ సమావేశాల్లో పాల్గొననుంది. అంతే కాకుండా ఈ సంధర్భంగా ఆమె తన సక్సెస్ స్టోరీని పంచుకోనున్నారు. ఈ సమావేశాల్లో పాల్గొనే మొదటి బాలీవుడ్ హీరోయిన్ కంగానేకే ఆ క్రెడిట్ దక్కనుంది.

గత ఏడాది ఏంజెలినా జోలీ, హిల్లరీ క్లింటన్ వంటి ప్రముఖులు పాల్గొన్నారు. ఈసారి హాలీవుడ్ నటి మెరిల్ స్ట్రీప్, క్యారీ ముల్లిగన్ వంటి భామలు పాల్గొననున్నారు. మరి ఈ సమావేశంలో కంగనా ఎలాంటి కామెంట్లు చేయనుందో, ఏ విధంగా స్పందించనుందో మరికొద్ది రోజుల్లోనే తెలియనుంది.