ఈనెల 19న పులి పాటల సందడి

Posted: 09/10/2015 02:14 PM IST

Vijay puli movie telugu audio release date

తమిళ స్టార్ హీరో ఇళయదళపతి విజయ్ నటిస్తున్న తాజా చిత్రం ‘పులి’. ఎస్.కె.టి స్టూడియోస్ బ్యానర్ పై చింబుదేవన్ దర్శకత్వంలో తెరకెక్కుతున్న ఈ చిత్రాన్ని సిబు థమీన్స్, పి.టి.సెల్వకుమార్ నిర్మిస్తున్నారు. ఈ చిత్రాన్ని తెలుగులో ఎస్.వి.ఆర్ మీడియా ప్రై.లి. బ్యానర్ పై సి.శోభ గ్రాండ్ గా విడుదల చేస్తున్నారు.

తెలుగు, తమిళం, హిందీ భాషలలో ఏకకాలంలో రూపొందుతున్న ఈ చిత్ర తమిళ ఆడియో ఇటీవలే విడుదలై మంచి టాక్ ను సొంతం చేసుకుంది. అయితే ఈ చిత్ర తెలుగు ఆడియోను ఈనెల 19న హైదరాబాద్ లోని శిల్పకళావేదికలో పలువురు సినీ ప్రముఖుల సమక్షంలో జరుపనున్నారు.

Video Courtesy : idlebrainlive

ఇప్పటికే విడుదలైన తెలుగు ట్రైలర్ కు భారీ రెస్పాన్స్ వస్తోంది. సోషియో ఫాంటసీ తరహాలో రూపొందుతున్న ఈ భారీ బడ్జెట్ చిత్రంలో విజయ్ సరసన అందాల భామలు శృతిహాసన్, హన్సిక హీరోయిన్లుగా నటించారు. శ్రీదేవి కపూర్, సుదీప్ లు ప్రధాన పాత్రలలో నటించారు.

ప్రస్తుతం పోస్ట్ ప్రొడక్షన్ కార్యక్రమాలు శరవేగంగా జరుగుతున్నాయి. ఈ చిత్రాన్ని అక్టోబర్ 1న ప్రపంచ వ్యాప్తంగా తెలుగు, తమిళం, హిందీ భాషలలో గ్రాండ్ గా విడుదల చేయనున్నారు. మరి ఈ సినిమా ఎలాంటి రికార్డులు క్రియేట్ చేయనుందో త్వరలోనే తెలియనుంది.