వినాయక చవితికి బాలయ్య డిక్టేటర్ టీజర్

Posted: 09/08/2015 09:50 AM IST

Balakrishna dictator movie first look release date

‘లెజెండ్’, ‘లయన్’ చిత్రాల తర్వాత నందమూరి బాలకృష్ణ హీరోగా నటిస్తున్న ‘డిక్టేటర్’ చిత్ర షూటింగ్ శరవేగంగా జరుగుతోంది. ప్రముఖ దర్శకుడు శ్రీవాస్ దర్శకత్వంలో తెరకెక్కుతున్న ఈ చిత్రాన్ని భారీ బడ్జెట్ చిత్రాల నిర్మాణ సంస్థ ఈరోస్ ఇంటర్నేషనల్ బ్యానర్ మరియు వేదాశ్వ క్రియేషన్స్ సంస్థ సంయుక్తంగా నిర్మిస్తున్నారు.

బాలకృష్ణ సరసన అంజలి, సొనాల్ చౌహాన్ లు హీరోయిన్లుగా నటిస్తున్నారు. ఈ చిత్ర ఫస్ట్ లుక్ రిలీజ్ డేట్ ను చిత్ర యూనిట్ ఫిక్స్ చేసారు. సెప్టెంబర్ 17న వినాయక చవితి సంధర్భంగా ‘డిక్టేటర్’ చిత్ర ఫస్ట్ లుక్ టీజర్ ను విడుదల చేయనున్నారు. అంతే కాకుండా ఈ సినిమాలో బాలయ్య మీద వచ్చే ‘గణేశా...’ అనే ఓ ఇంట్రడక్షన్ సాంగ్ వుందట.

ఈ పాట టీజర్ ను కూడా వినాయక చవితి సంధర్భంగా విడుదల చేయనున్నట్లుగా తెలిసింది. ఈ పాటను వినాయక చవితి బ్యాక్ డ్రాప్ లో చిత్రీకరించారు. పండగ రోజున విడుదల చేస్తే అటు అభిమానులు, ఇటు ప్రేక్షకులకు కూడా బాగా చేరువవుతుందనే వుద్దేశ్యంతో ఈ పాటను కూడా వినాయక చవితి రోజునే విడుదల చేయనున్నారు.

ఈ చిత్రానికి సంబంధించిన మరిన్ని వివరాలు మరికొద్ది రోజుల్లోనే అధికారికంగా ప్రకటించనున్నారు. తొలిసారిగా బాలయ్య చిత్రానికి థమన్ సంగీతం అందిస్తున్నాడు. కథ, స్ర్కీన్ ప్లే ను ప్రముఖ రచయితలు కోన వెంకట్, గోపి మోహన్ లు అందిస్తున్నారు. రచన: శ్రీధర్ సీపాన, మాటలు: ఎం.రత్నం అందిస్తున్నారు.