మతిపోగొడుతున్న అనుష్క సైజ్ జీరో పోస్టర్లు

Posted: 08/26/2015 10:18 AM IST

‘బాహుబలి’ తర్వాత అందాల భామ అనుష్క ప్రధాన పాత్రలో నటిస్తున్న తాజా చిత్రం ‘సైజ్ జీరో’. ‘సన్నజాజి నడుము’ అనేది ట్యాగ్ లైన్. ప్రముఖ దర్శకుడు ప్రకాష్ కోవెలమూడి దర్శకత్వంలో తెరకెక్కుతున్న ఈ చిత్రాన్ని ప్రముఖ నిర్మాణ సంస్థ పివిపి బ్యానర్ పై నిర్మాత ప్రసాద్.వి.పోట్లూరి నిర్మిస్తున్నారు.

ఇందులో అనుష్కకు జోడిగా క్రేజీ హీరో ఆర్య నటిస్తున్నాడు. సోనల్ చౌహన్ ఓ ముఖ్య పాత్రలో నటిస్తుంది. ఈ సినిమాకు సంబంధించిన ఫస్ట్ లుక్ పోస్టర్లు ఇప్పటికే విడుదలై భారీ అంచనాలను క్రియేట్ చేసాయి. అయితే తాజాగా విడుదలైన పోస్టర్ అందరి అంచనాలను తలక్రిందులు చేస్తోంది.

ముందుగా విడుదలైన పోస్టర్లలో అనుష్క చాలా లావుగా, బొద్దుగా కనిపించింది. కానీ తాజాగా విడుదలైన ఓ పోస్టర్లో అనుష్క చాలా ముద్దుగా, అందంగా కనిపిస్తుంది. గత పోస్టర్ల కంటే ఈ పోస్టర్లో అనుష్క కాస్త తక్కువ బొద్దుతనంతో కనిపిస్తుంది. దీంతో ఈ సినిమాపై వున్న అంచనాలు మరింత పెరిగిపోతున్నాయి.

భారీ అంచనాలతో తెరకెక్కుతున్న ఈ చిత్రానికి యంయంకీరవాణి సంగీతం అందిస్తున్నారు. ఈ చిత్రాన్ని అక్టోబర్ నెలలో విడుదల చేయడానికి చిత్ర యూనిట్ సన్నాహాలు చేస్తున్నారు. సినిమాటోగ్రఫీ: నిరవ్ షా, ఆర్ట్: ఆనంద్ సాయి, ఎడిటింగ్: ప్రవీణ్ పూడి, కాస్ట్యూమ్స్: ప్రశాంత్, కథ-స్క్రీన్ ప్లే: కణిక థిల్లాన్ కోవెలమూడి, ఎగ్జిక్యూటివ్ నిర్మాత: సందీప్ గుణ్ణం, నిర్మాత: ప్రసాద్ వి.పొట్లూరి, దర్శకత్వం: ప్రకాష్ కోవెలమూడి.