నేడే విశాల్ జయసూర్య ఆడియో సందడి

Posted: 08/22/2015 11:33 AM IST

Vishal jayasurya movie audio release today

తమిళంలో విశాల్ హీరోగా నటిస్తున్న ‘పాయుం పులి’ చిత్రాన్ని తెలుగులో ‘జయసూర్య’ పేరుతో అనువదిస్తున్నారు. ప్రముఖ దర్శకుడు సుశీంద్రన్ దర్శకత్వంలో తెరకెక్కుతున్న ఈ చిత్రాన్ని ఎస్. మదన్ నిర్మిస్తున్నారు. డి. ఇమాన్ సంగీతం అందిస్తున్నాడు.

ఇటీవలే ఈ చిత్ర తమిళ ఆడియోను విడుదల చేసారు. ఈ ఆడియోకు మంచి స్పందన వచ్చింది. తెలుగు వర్షెన్ ఆడియోను నేడు(ఆగష్టు22)న గ్రాండ్ గా విడుదల చేయనున్నారు. ఈ చిత్రాన్ని తెలుగులో జవ్వాజి రామాంజనేయులు సమర్పణలో సాయిచంద్ర ఫిలింస్, సర్వంత్ రామ్ క్రియేషన్స్ బ్యానర్స్ పై జి.నాగేశ్వర రెడ్డి, ఎస్. నరసింహ ప్రసాద్ అందిస్తున్నారు.

తాజాగా ఈ చిత్ర తెలుగు ఆడియో టీజర్ ను విడుదల చేసారు. ఈ సినిమాలో విశాల్ పవర్ ఫుల్ పోలీస్ ఆఫీసర్ పాత్రలో నటిస్తున్నాడు. లవ్, మాస్, యాక్షన్ ఎంటర్ టైనర్ గా రూపొందతున్న ఈ చిత్రంపై భారీ అంచనాలే నెలకొన్నాయి. ఈ చిత్రాన్ని తెలుగు, తమిళం భాషలలో సెప్టెంబర్ 4వ తేదిన విడుదల చేయనున్నారు. మరి ఈ సినిమా ఎలాంటి విజయం సాధించనుందో త్వరలోనే తెలియనుంది.