ఈ సినిమా చాలా డిఫరెంట్ అంటున్న కమల్

Posted: 08/14/2015 09:59 AM IST

యూనివర్సల్ స్టార్ కమల్ హాసన్, త్రిష హీరోహీరోయిన్లుగా నటిస్తున్న తాజా తమిళ చిత్రం ‘తూంగవనం’. ఈ చిత్రాన్ని తెలుగులో ‘చీకటి రాజ్యం’ పేరుతో విడుదల చేస్తున్నారు. రాజ్ కమల్ ఫిలింస్ ఇంటర్నేషనల్ పతాకంపై రాజేష్ ఎం.సెల్వని దర్శకత్వంలో ఎన్.చంద్రహాసన్ నిర్మిస్తున్నారు.

ఒకే ఒక్క రాత్రి జరిగే వినూత్నమైన కథతో తెరకెక్కుతున్న ఈ చిత్రంలో కమల్ చాలా కొత్త లుక్ లో కనిపించబోతున్నాడు. హైదరాబాద్, చెన్నైలోని పలు అందమైన ప్రదేశాల్లో కేవలం 40 రోజుల్లోనే ఈ చిత్ర షూటింగ్ పూర్తి చేసుకుంది. ప్రస్తుతం పోస్ట్ ప్రొడక్షన్ కార్యక్రమాలు శరవేగంగా జరుగుతున్నాయి.

ఈ సంధర్భంగా కమల్ మాట్లాడుతూ... ఇప్పటివరకు నేను చేసిన సినిమాలు ఒక ఎత్తు. ఈ సినిమా మరొక ఎత్తు. వెరీ డిఫరెంట్ జోనర్ ఫిల్మ్. నాలుగు విభిన్న పాత్రల చుట్టూ కథ తిరుగుతూ వుంటుంది. గిబ్రాన్ మంచి సంగీతం అందించాడు. అన్ని కార్యక్రమాలు పూర్తి చేసుకొని త్వరలోనే ఈ చిత్రాన్ని ప్రేక్షకుల ముందుకు తీసుకొస్తాం అని అన్నారు.

గిబ్రాన్ సంగీతం అందిస్తున్న ఈ చిత్ర ఆడియోను త్వరలోనే విడుదల చేయనున్నారు. ఇందులో నటి మధుశాలిని ఓ కీలక పాత్రలో నటిస్తుంది. ఇప్పటికే విడుదలైన ఫస్ట్ లుక్ పోస్టర్లకు మంచి రెస్పాన్స్ వచ్చింది. అలాగే ఈ చిత్రాన్ని తెలుగు, తమిళం భాషలలో ప్రపంచ వ్యాప్తంగా విడుదల చేయనున్నారు.