శ్రీమంతుడు ప్రమోషన్స్ లో చారుశీల బిజీ బిజీ

Posted: 08/01/2015 04:15 PM IST

Shruti haasan busy in srimanthudu movie promotions

మహేష్ బాబు, శృతిహాసన్ జంటగా నటించిన ‘శ్రీమంతుడు’ చిత్రం మరో వారం రోజుల్లో ప్రపంచ వ్యాప్తంగా విడుదల కానున్న విషయం తెలిసిందే. ఇందుకోసం ఇప్పటికే ఈ చిత్ర ప్రమోషన్ కార్యక్రమాలు భారీగా మొదలయ్యాయి. చిత్రానికి సంబంధించి పోస్టర్లు, ఫోటోలు, ట్రైలర్లు, మేకింగ్ వీడియోలు విడుదల చేస్తున్నారు.

చిత్రానికి కొరటాల శివ దర్శకత్వం వహించాడు. ఈ చిత్రాన్ని మైత్రీ మూవీ మేకర్స్ సంస్థ భారీ బడ్జెట్ తో నిర్మించింది. జగపతిబాబు, సుకన్య, రాహుల్ రవీంద్రన్, రాజేంద్రప్రసాద్, పూర్ణ తదితరులు ప్రధాన పాత్రలలో నటించారు. తెలుగు, తమిళం భాషలలో ఏకకాలంలో ఈ చిత్రాన్ని విడుదల చేస్తున్నారు.

ఈ సినిమా ప్రమోషన్ కార్యక్రమాల్లో ఇప్పటికే మహేష్ బాబు బిజీగా వున్నారు. కాగా ఇపుడు శృతిహాసన్ కూడా ఈ చిత్ర ప్రమోషన్ కార్యక్రమాల్లో పాల్గొంటూ బిజీగా వుంది. వరుసగా ఇంటర్వ్యూలు ఇస్తూ, ‘శ్రీమంతుడు’ చిత్ర ప్రమోషన్ కార్యక్రమల్లో శృతి పాల్గొంటుంది. ఇందులో చారుశీల అనే పాత్రలో శృతిహాసన్ నటించింది. మరికొద్ది రోజుల్లో తమిళంలోని ప్రమోషన్ కార్యక్రమాల్లో మహేష్, శృతిలు పాల్గొననున్నారు.

దేవిశ్రీప్రసాద్ సంగీతం అందించిన ‘శ్రీమంతుడు’ పాటలు ఇప్పటికే మార్కెట్లోకి విడుదలై భారీ హిట్టును దక్కించుకున్నాయి. యూట్యూబ్ లో భారీ రికార్డులను క్రియేట్ చేస్తున్నాయి. తమిళంలో ఈ చిత్రాన్ని ‘సెల్వాందన్’ పేరుతో విడుదల చేయనున్నారు. తెలుగు, తమిళం భాషలలో ఆగష్టు 7వ తేదిన ప్రపంచ వ్యాప్తంగా గ్రాండ్ గా విడుదల చేయనున్నారు.