తులసి జంటతో క్రాంతి మాధవ్ కొత్త చిత్రం

Posted: 07/30/2015 01:29 PM IST

‘గోపాల గోపాల’ తర్వాత విక్టరీ వెంకటేష్ ఇటీవలే ఓ ప్రాజెక్టుకు గ్రీన్ సిగ్నల్ ఇచ్చేసారు. ‘మళ్లీ మళ్లీ ఇది రాని రోజు’ చిత్రంతో దర్శకుడిగా మంచి ప్రశంసలు అందుకున్న దర్శకుడు క్రాంతి మాధవ్ దర్శకత్వంలో వెంకటేష్ ఓ చిత్రం చేయనున్నాడు.

క్రాంతి మాధవ్ దర్శకత్వంలో వెంకటేష్ హీరోగా నటించనున్న ఈ చిత్రాన్ని యువ నిర్మాత పరుచూరి కిరిటీ నిర్మించనున్నాడు. ఇందులో వెంకటేష్ సరసన నయనతార హీరోయిన్ గా నటించనుంది. ఇప్పటికే వెంకీ, నయనతార కాంబినేషన్లో ‘లక్ష్మీ’, ‘తులసి’ వంటి రెండు బ్లాక్ బస్టర్ హిట్ చిత్రాలొచ్చాయి. తాజాగా రూపొందనున్న ఈ చిత్రానికి ‘సంతోషమే సగం బలం’ అనే టైటిల్ ను పరిశీలిస్తున్నారు.

ప్రస్తుతం స్ర్కిప్ట్ వర్క్స్, ప్రీ ప్రొడక్షన్ పనులు జరుగుతున్నాయి. గోపి సుందర్ సంగీతం, విఎస్ జ్ఞానశేఖర్ సినిమాటోగ్రఫిని అందించనున్నాడు. ఆగష్టు నెల చివరి వారంలో ఈ ప్రాజెక్ట్ సెట్స్ పైకి వెళ్లనుంది. త్వరలోనే అన్ని వివరాలు అధికారికంగా ప్రకటించనున్నారు.