సోనాల్ తో బ్యాంకాక్ లో కళ్యాణ్ రామ్ రొమాన్స్

Posted: 07/07/2015 11:16 AM IST

Kalyan ram sher movie song shooting in bangkok

‘పటాస్’ తర్వాత నందమూరి కళ్యాణ్ రామ్ హీరోగా ‘షేర్’ అనే చిత్రం తెరకెక్కుతున్న విషయం తెలిసిందే. మల్లికార్జున్‌ దర్శకత్వంలో సాయి నిహారిక, శరత్‌చంద్‌ సమర్పణలో కొమర వెంకటేష్‌ నిర్మిస్తున్నారు. ఇటీవలే విడుదలైన ఫస్ట్ లుక్ పోస్టర్లకు మంచి రెస్పాన్స్ వస్తోంది. ఇందులో కళ్యాణ్ రామ్ చాలా స్టైలిష్ గా కనిపిస్తున్నాడు.

‘పటాస్’ సినిమా నుంచి కళ్యాణ్ రామ్ తన లుక్స్ విషయంలో చాలా జాగ్రత్తలు తీసుకుంటున్నాడు. ‘షేర్’ సినిమాలో కూడా తన లుక్స్ పరంగా బాగా కనిపిస్తున్నాడు. ఈ చిత్రానికి థమన్ సంగీతం అందిస్తున్నాడు. అయితే ఈ సినిమాలోని ఓ పాటను బ్యాంకాక్ మరియు పటాయాలోని అందమైన లొకేషన్లలో చిత్రీకరించనున్నారు.

షూటింగ్ మొత్తం పూర్తి చేసుకుంది. కళ్యాణ్‌రామ్‌ సరసన సోనాల్‌చౌహాన్‌ హీరోయిన్ గా నటిస్తుంది. త్వరలోనే ఈ చిత్రాన్ని ప్రేక్షకుల ముందుకు తీసుకురావడానికి సన్నాహాలు చేస్తున్నారు. ప్రస్తుతం కళ్యాణ్ రామ్ నిర్మిస్తున్న ‘కిక్2’ చిత్రం విడుదలకు సిద్ధమవుతోంది. త్వరలోనే ఈ చిత్రం ప్రేక్షకుల ముందుకు రానుంది.