లండన్ లో ఎన్టీఆర్ సుకుమార్ సినిమా ప్రారంభం

Posted: 06/23/2015 11:55 AM IST

Ntr sukumar movie shooting starts in london

‘టెంపర్’ తర్వాత యంగ్ టైగర్ ఎన్టీఆర్ హీరోగా ప్రముఖ దర్శకుడు సుకుమార్ దర్శకత్వంలో ఓ చిత్రం తెరకెక్కబోతున్న విషయం తెలిసిందే. ఎస్.వి.సి.సి. బ్యానర్ పై ప్రముఖ నిర్మాత బివిఎస్ఎన్ ప్రసాద్ నిర్మిస్తున్నారు. దేవిశ్రీప్రసాద్ సంగీతం అందిస్తున్నాడు.

ఈ చిత్ర రెగ్యులర్ షూటింగ్ జులై నెల మొదటి వారం నుంచి ప్రారంభం కానుంది. జూన్ 28న ఈ చిత్ర యూనిట్ లండన్ కు వెళ్లనున్నట్లుగా తెలిసింది. జులై మొదటి వారం నుంచి లండన్ లో షూటింగ్ మొదలుకానుందని సమాచారం. యాక్షన్ ఎంటర్ టైనర్ గా రూపొందబోతున్న ఈ సినిమా ప్రీ ప్రొడక్షన్ కార్యక్రమాలు తుదిదశకు చేరుకున్నాయి.

ఇందులో ఎన్టీఆర్ సరసన రకూల్ ప్రీత్ సింగ్ హీరోయిన్ గా నటించబోతుంది. జగపతిబాబు, రాజేంద్రప్రసాద్ లు ముఖ్య పాత్రలలో నటించనున్నారు. ఈ చిత్రానికి ‘నాన్నక... ప్రేమతో.’ అనే టైటిల్ ను పరిశీలిస్తున్నారు. ఈ చిత్రానికి సంబంధించిన మరిన్ని వివరాలు త్వరలోనే అధికారికంగా ప్రకటించనున్నారు.