సూర్య హైకూ టీజర్ అదిరిపోయింది!

Posted: 05/28/2015 05:13 PM IST

తమిళంలో స్టార్ హీరో సూర్య రూపొందిస్తున్న తాజా బాలల చిత్రం ‘హైకూ’. బాలల చిత్రంగా తెరకెక్కుతున్న ఈ చిత్రంలో సూర్య, అమలాపాల్ స్పెషల్ పాత్రలో నటిస్తున్నారు. ఇప్పటికే విడుదలైన ఈ చిత్ర ఫోటోలకు మంచి రెస్పాన్స్ వచ్చింది. సూర్య సమర్పణలో 2D ఎంటర్ టైన్మెంట్స్ బ్యానర్ పై రూపొందుతున్న ఈ చిత్రానికి పాండిరాజ్ దర్శకత్వం వహిస్తున్నాడు.

పాండిరాజ్ ఇప్పటికే ‘పసంగ’, ‘మెరీనా’ వంటి విభిన్న చిత్రాలను రూపొందించాడు. పిల్లల మనస్తత్వాలను ఆధారంగా చేసుకొని రూపొందించనున్న ఈ సినిమా ప్రతిఒక్కరికి నచ్చుతుందని చిత్ర యూనిట్ భావిస్తున్నారు. ఈ సినిమాలో బింధుమాధవి కీలక పాత్రలో నటిస్తుంది.

తాజాగా ఈ చిత్ర ఫస్ట్ లుక్ టీజర్ ను విడుదల చేసారు. ఈ టీజర్ లో పిల్లలతో కలిసి సూర్య అదరగొట్టేసాడు. సూర్య ఈ టీజర్లో తన నటనను జస్ట్ శాంపుల్ పరిచయం చేసినట్లుగా చూపించేసాడు. ఈ సినిమా ఎప్పుడు విడుదల కానుందో, ఎలాంటి విజయం సాధించనుందో త్వరలోనే తెలియనుంది. ప్రస్తుతానికి ఈ చిత్ర టీజర్ మీకోసం అందిస్తున్నాం. మీరు ఓ లుక్కేయండి.