మే 31న బాహుబలి పాటల సందడి

Posted: 05/19/2015 05:19 PM IST

Bahubali movie audio release date confirmed

ఎస్.ఎస్.రాజమౌళి దర్శకత్వం వహించిన అన్ని చిత్రాలు కూడా బ్లాక్ బస్టర్ హిట్టుగా నిలిచాయి. ఈ చిత్రాలన్నింటికి కూడా స్వరవాణి ఎం.ఎం.కీరవాణి సంగీతం అందించారు. ప్రస్తుతం రాజమౌళి దర్శకత్వంలో తెరకెక్కుతున్న ‘బాహుబలి’ చిత్రానికి కూడా కీరవాణి సంగీతం అందిస్తున్నారు.

అయితే ఈ చిత్ర ఆడియో విడుదలపై రాజమౌళి ఓ క్లారిటీ ఇచ్చేసాడు. ‘బాహుబలి -ది బిగెనింగ్’ చిత్ర ఆడియోను ఈనెల 31న విడుదల చేయనున్నట్లుగా రాజమౌళి ప్రకటించాడు. ఈ ఆడియో విడుదల కార్యక్రమాన్ని భారీ ఎత్తున, గ్రాండ్ గా విడుదల చేయనున్నారని తెలిసింది. అలాగే ఈ వేడుకలో కీరవాణికి ఘనసన్మానం చేయబోతున్నట్లుగా సమాచారం. త్వరలోనే అన్ని వివరాలు తెలియనున్నాయి.

ప్రభాస్, అనుష్క, తమన్నా, రానా ప్రధాన పాత్రలలో నటిస్తున్న ఈ చిత్ర థియేటర్ ట్రైలర్ ను మే 31వ తేదిన విడుదల చేయనున్నారు. భారీ బడ్జెట్ తో ఆర్కా మీడియా బ్యానర్లో ప్రతిష్టాత్మకంగా రూపొందుతున్న ఈ చిత్రాన్ని జులై 10న తెలుగు, తమిళ, హిందీ భాషలలో ప్రపంచ వ్యాప్తంగా భారీ ఎత్తున విడుదల చేయనున్నారు.