నేడు సాయంత్రం అనుష్క దేవసేన ఫస్ట్ లుక్

Posted: 05/06/2015 10:26 AM IST

Anushka devasena first look release today

ప్రముఖ దర్శకుడు ఎస్.ఎస్.రాజమౌళి ప్రతిష్టాత్మకంగా తెరకెక్కిస్తున్న తాజా చిత్రం ‘బాహుబలి’. ఇందులో ప్రభాస్ నటించిన ‘శివుడు’ పాత్రకు సంబంధించిన ఫస్ట్ లుక్ పోస్టర్ ఇటీవలే విడుదలైన విషయం తెలిసిందే. ఈ పోస్టర్ నిన్నటి వరకు సోషల్ మీడియాలో టాప్2లో హల్చల్ చేసింది. కేవలం ఒక్క పోస్టర్ ఇంతటి భారీ క్రేజ్ తెచ్చుకోవడం ఇదే తొలిసారి.

అయితే నిన్నటి వరకు ప్రభాస్ హల్చల్ చేస్తే.. ఈరోజు సాయంత్రం నుంచి అనుష్క రచ్చ రచ్చ చేయనుంది. ‘బాహుబలి’ చిత్రంలో అనుష్క హీరోయిన్ గా నటించిన విషయం తెలిసిందే. ఈరోజు సాయంత్రం అనుష్క నటించిన ‘దేవసేన’ పాత్రకు సంబంధించిన ఫస్ట్ లుక్ పోస్టర్ ను విడుదల చేయనున్నారు.

గతంలో మేకింగ్ వీడియో ద్వారా అనుష్క లుక్ ను విడుదల చేసారు కానీ.. ఇలా అనుష్క పాత్రకు సంబంధించిన ఫస్ట్ లుక్ పోస్టర్ ను విడుదల చేయడం ఇదే తొలిసారి. మరి ఈ పోస్టర్ కు ఎలాంటి రెస్పాన్స్ రాబోతుందో ఏమో చూడాలి. దేవసేనగా అనుష్క గెటప్ ఎలా వుండబోతుందో ఈరోజు సాయంత్రం తెలియనుంది.

ప్రభాస్, రానా, అనుష్క, తమన్నా ప్రధాన పాత్రలలో నటిస్తున్న ఈ చిత్రానికి కీరవాణి సంగీతం అందిస్తున్నారు. మే 31వ తేదిన థియేటర్ ట్రైలర్ ను విడుదల చేయనున్నారు. భారీ అంచనాలతో రూపొందుతున్న ఈ భారీ బడ్జెట్ చిత్రాన్ని జులై 10న ప్రపంచ వ్యాప్తంగా విడుదల చేయడానికి సన్నాహాలు చేస్తున్నారు.