పుట్టినరోజున త్రిష హర్రర్ సినిమా టైటిల్ ఖరారు

Posted: 05/04/2015 05:57 PM IST

తెలుగు, తమిళ, కన్నడ సినీ ఇండస్ట్రీలలో స్టార్ హీరోయిన్ గా భారీ క్రేజ్ ను సంపాదించుకున్న త్రిష... ఇప్పటి వరకు అన్ని గ్లామర్ పాత్రలే చేసింది. అయితే ఇపుడు ఓ హర్రర్ సినిమాతో భయపెట్టడానికి రాబోతుంది. త్రిష ఓ హర్రర్ చిత్రంలో నటించబోతున్నట్లుగా ఇదివరకే తెలియజేసాం.

‘లవ్ యు బంగారమ్’ ఫేమ్ గోవి దర్శకత్వంలో ‘లక్ష్మిరావే మా ఇంటికి’ సినిమాను నిర్మించిన మామిడిపల్లి గిరిధర్ ఈ చిత్రాన్ని నిర్మిస్తున్నారు. ఈ చిత్రానికి తాజాగా ‘నాయకి’ అనే టైటిల్ ను ఖరారు చేసారు. తెలుగు, తమిళ, కన్నడ భాషలలో ఒకేసారి ఈ చిత్రాన్ని తెరకెక్కించనున్నారు.

ఈ చిత్రానికి సంబంధించిన ప్రీ ప్రొడక్షన్ పనులు చివరి దశకు చేరుకున్నాయి. త్వరలోనే ఈ ప్రాజెక్ట్ సెట్స్ పైకి వెళ్లనుంది. ప్రస్తుతం త్రిష హీరోయిన్ గా నటించిన ‘లయన్’ సినిమా విడుదలకు సిద్ధమయ్యింది. అలాగే త్రిష చేతిలో ప్రస్తుతం అరడజనుకు పైగా ప్రాజెక్టులున్నాయి. త్వరలోనే అన్ని వివరాలు అధికారికంగా తెలియనున్నాయి.