సూర్య 24లో కీలకపాత్ర పోషిస్తున్న అజయ్

Posted: 04/30/2015 04:54 PM IST

‘ఇష్క్’, ‘మనం’ చిత్రాల దర్శకుడు విక్రమ్ కుమార్ దర్శకత్వంలో సూర్య హీరోగా తెలుగు, తమిళ భాషలలో ఏకకాలంలో తెరకెక్కుతున్న తాజా చిత్రం ‘24’. ఈ చిత్రంలో సూర్య సరసన సమంత హీరోయిన్ గా నటిస్తుంది. ఏప్రిల్ 8న ఈ చిత్ర షూటింగ్ ప్రారంభమయ్యింది.

ప్రస్తుతం ఈ చిత్ర షూటింగ్ ముంబాయ్ పరిసర ప్రాంతాల్లో జరుగుతోంది. ఇందులో టాలీవుడ్ నటుడు అజయ్ ఓ కీలక పాత్రలో నటిస్తున్నాడు. ప్రస్తుతం నటుడిగా, క్యారెక్టర్ ఆర్టిస్ట్ గా, విలన్ గా వరుస చిత్రాలతో బిజీగా వున్న అజయ్... ఈ సినిమాతో మరింత బిజీ అయ్యే అవకాశాలున్నట్లుగా కనబడుతున్నాయి.

2D ఎంటర్ టైన్మెంట్స్ పతాకంపై సూర్య తన సొంత బ్యానర్లో నిర్మిస్తున్న ఈ చిత్రానికి ఏఆర్ రెహమాన్ సంగీతం అందిస్తున్నారు. పిఎస్ వినోద్ సినిమాటోగ్రఫిని అందిస్తున్నారు. త్వరలోనే ఈ చిత్రం గురించి అన్ని వివరాలు ప్రకటించనున్నారు.