అల్లు అర్జున్ సన్నాఫ్ సత్యమూర్తి ప్రీ ఫస్ట్ లుక్ విడుదల

Posted: 03/06/2015 02:56 PM IST

Son of sathyamurthy movie pre first look poster

అల్లు అర్జున్ హీరోగా త్రివిక్రమ్ దర్శకత్వంలో తెరకెక్కుతున్న ‘సన్నాఫ్ సత్యమూర్తి’ చిత్ర షూటింగ్ చివరి దశకు చేరుకున్న విషయం తెలిసిందే. ఈ చిత్రంలోని మూడు సాంగ్స్ షూటింగ్ కోసం స్పెయిన్ వెళ్లిన చిత్ర యూనిట్ నేడు తిరిగి వస్తున్నారు.

ఈరోజు హోళీ సంధర్భంగా ఈ చిత్ర ప్రీ ఫస్ట్ లుక్ పోస్టర్ ను విడుదల చేసారు. ఇందులో వున్న 16 మంది నటీనటులను సరిగ్గా గుర్తుపట్టిన వారికి ఈ చిత్ర ఆడియో పాసెస్ బహుమతిగా అందజేయనున్నట్లుగా ప్రకటించారు.

తాజాగా విడుదల చేసిన ఆ ప్రీ ఫస్ట్ లుక్ పోస్టర్ మీకోసం అందిస్తున్నాం. మీరు కూడా ఆ నటీనటులను గుర్తుపట్టి, సరైన సమాధానాలు చెప్పి, ఆడియో పాసెస్ పొందండి. ఈరోజు ఈ చిత్ర ఫస్ట్ లుక్ ను విడుదల చేయనున్నారు. అలాగే ఈరోజు నుంచి వచ్చే 10రోజుల వరకు ఈ చిత్ర ప్రమోషన్ కార్యక్రమాలు భారీగా చేయనున్నట్లుగా తెలిసింది.

ఈ సినిమాలో బన్నీ సరసన నిత్యామీనన్, ఆదాశర్మ, సమంత హీరోయిన్లుగా నటిస్తున్నారు. హారిక అండ్ హాసిని క్రియేషన్స్ బ్యానర్లో ఎస్.రాధాకృష్ణ ఈ చిత్రాన్ని భారీ స్థాయిలో నిర్మిస్తున్నారు. దేవిశ్రీప్రసాద్ సంగీతం అందిస్తున్న ఈ చిత్ర ఆడియో విడుదల కార్యక్రమాన్ని ఈనెల 15న హైదరాబాద్ లోని శిల్పకళా వేదికలో ఘనంగా జరుపనున్నారు.

కమర్షియల్ ఫ్యామిలీ యాక్షన్ ఎంటర్ టైనర్ గా రూపొందుతున్న ఈ చిత్రంలో కన్నడ స్టార్ హీరో ఉపేంద్ర, నటి స్నేహ, రాజేంద్రప్రసాద్, సింధు తులాని కీలక పాత్రలలో నటిస్తున్నారు. ఏప్రిల్ 2న సినిమాను విడుదల చేయడానికి సన్నాహాలు చేస్తున్నారు. త్వరలోనే అన్ని వివరాలు అధికారికంగా ప్రకటించనున్నారు.