మార్చి6న మళ్లీ భయపెట్టనున్న రవిబాబు

Posted: 02/12/2015 03:26 PM IST

గతంలో రవిబాబు దర్శకత్వంలో వచ్చిన ‘అవును’ చిత్రం మంచి విజయం సాధించి, విమర్శకుల ప్రశంసలు అందుకుంది. చిన్న చిత్రంగా విడుదలైన మంచి కలెక్షన్లను రాబట్టింది. ప్రస్తుతం ఈ చిత్రానికి సీక్వెల్ గా ‘అవును2’ చిత్రం తెరకెక్కుతుంది. షూటింగ్ పూర్తి చేసుకొని పోస్ట్ ప్రొడక్షన్ కార్యక్రమాలు చివరి దశకు చేరుకున్నాయి. మొదటి పార్ట్ లో నటించిన హర్షవర్ధన్ రాణే, పూర్ణలు ఈ సీక్వెల్ కూడా జంటగా నటించారు.

ఇటీవలే విడుదలైన ఈ సినిమా ట్రైలర్ కి భారీ రెస్పాన్స్ వస్తుంది. ఈ చిత్రాన్ని గత ఏడాది డిసెంబర్ నెలలో విడుదల చేయాలనీ అనుకున్నారు. కానీ పలు కారణాల వల్ల వాయిదా వేసారు. అయితే తాజాగా ఈ చిత్రాన్ని ఈ ఏడాది మార్చి6వ తేదిన విడుదల చేయడానికి సన్నాహాలు చేస్తున్నట్లుగా తెలిసింది.

సంజన, నికిత ముఖ్య పాత్రల్లో నటించారు. ఫ్లయింగ్‌ ఫ్రాగ్స్‌, సురేష్ ప్రొడక్షన్స్‌ సంస్థలు సంయుక్తంగా ఈ చిత్రాన్ని నిర్మిస్తున్నాయి. మరి ఈ సినిమా ఏ విధంగా భయపెట్టి విజయం సాధించనుందో త్వరలనే తెలియనుంది. ఈ చిత్రానికి సంబంధించిన మరిన్ని వివరాలు త్వరలోనే అధికారికంగా ప్రకటించనున్నారు.