అన్నయ్య జ్ఞాపకాల్లోనే కళ్యాణ్ రామ్

Posted: 12/11/2014 03:17 PM IST

జానకిరామ్ జ్ఞాపకాల నుంచి నందమూరి కుటుంబం ఇంకా కోలుకోలేదు. కుటుంబ సభ్యులతో సన్నిహతంగా మెలిగే జానకీరామ్ తో తమకు ఉన్న అనుబంధాన్ని గుర్తు చేసుకుంటూ కుటుంబ సభ్యులు ఆవేదన చెందుతున్నారు. దేవుడు తప్పు చేశాడని ప్రతి ఒక్కరూ బాధపడుతున్నారు. ఇక జానకీరామ్ తో సన్నిహితంగా ఉండే ఆయన సోదరుడు కళ్యాణ్ రామ్.., విషాదం నుంచి పూర్తిగా కోలుకోలేదు. అన్నయ్య లేని లోటుతో చాలా ఆవేదన చెందుతున్నారు. జానకీరామ్ తో గతంలో దిగిన ఫోటోను ఫేస్ బుక్ లో పోస్ట్ చేసి.., ‘‘We miss you annayya . Your presence was a big blessing for us. Nee atmaku saanthi kalagalani korukuntunnam’’ అని కామెంట్ రాశారు. ఈ ఫోటోలో కళ్యాణ్ రామ్, జానకీరామ్ తో పాటు ఎన్టీఆర్ కూడా ఉన్నారు.

నల్గొండ జిల్లాలో శనివారం రాత్రి జరిగిన ఘోర రోడ్డు ప్రమాదంలో నందమూరి జానకీరామ్ చనిపోయారు. కాకినాడ నుంచి సొంత వాహనంలో హైదరాబాద్ వస్తుండగా ఈ ప్రమాదం జరిగింది. దీంతో నందమూరి కుటుంబంతో పాటు.. నందమూరి అభిమానులు కూడా విషాదంలో మునిగిపోయారు. ఈనెల 18వ తేదీన (గురువారం) నందమూరి జానకీరామ్ పెద్ద కర్మ జరుగుతుందని కుటుంబ సన్నిహిత వర్గాలు తెలిపాయి.

కార్తిక్