వెంకీ - పవన్ సినిమా మొదలయ్యింది

Posted: 06/09/2014 04:18 PM IST

Pawan kalyan venkatesh multi starrer launched

టాలీవుడ్ లో మల్టీస్టారర్ సినిమాల హవా మళ్లీ మొదలైన వేళ క్రేజీ కాంబినేషన్ సినిమా నేడు ప్రారంభోత్సవం జరుపుకుంది. అదే వెంకటేష్ - పవన్ కళ్యాణ్ ‘గోపాల గోపాల ’ సినిమా. బాలీవుడ్ లో సూపర్ హిట్టు అయిన ‘ఓ మై గాడ్ ’ చిత్రాన్ని వీరిద్దరి కాంబినేషన్లో రీమేక్ చేస్తున్నారు. వాస్త వానికి ఈ చిత్ర షూటింగు ఎప్పుడో ప్రారంభం కావాల్సి ఉన్నా, పవన్ రాజకీయ బిజీ షెడ్యూల్ ముగియడంతో నేడు ముహూర్తం కుదిరింది. ఈ చిత్రం షూటింగ్ ఈ రోజు ఉదయం 9 గంటల 20 నిమిషాలకి హైదరాబాదులోని రామానాయుడు స్టూడియోలో వైభవంగా ప్రారంభమైంది.

నేటి నుంచి షూటింగ్ నిరవధికంగా జరుగుతుందని చిత్ర నిర్మాతలు సురేష్ బాబు, శరత్ మరార్ తెలిపారు. ఈ సినిమాకి చాలా టైటిల్స్‌ ప్రచారంలోకి వచ్చినా చివరకు ‘గోపాల గోపాల’ అనే టైటిల్‌ని ఖరారు చేశారు. కిషోర్‌ పార్దసాని (డాలి) దర్శకత్వంలో రూపొందబోతుంది. ఈ సినిమా ప్రారంభోత్సవానికి పలువురు చిత్ర ప్రముఖులు విచ్చేశారు. వెంకటేష్ తనయుడు మాస్టర్ అర్జున్ ప్రత్యేక ఆకర్షణగా నిలిచాడు. సినిమాలో శ్రియా కథానాయికగా నటిస్తోంది.

పవన్ కి జోడిగా కథానాయికను ఎంపిక చేయలేదు. ‘అత్తారింటికి దారేది ’ చిత్రం తరువాత పవన్ కళ్యాణ్ చేసే చిత్రం ఇదే. గబ్బర్ సింగ్ -2 చిత్రం పూజా కార్యక్రమాలు జరుపుకున్నా ఇంత వరకు సెట్స్ కి వెళ్లలేదు. త్వరలో ఆ సినిమాను కూడా సెట్స్ పైకి తీసుకున్నారు. ఇద్దరు స్టార్ హీరోలు కావడంతో ఈ చిత్రంపై భారీ అంచనాలు నెలకొన్నాయి. ‘గోపాల గోపాల’ సినిమా తో అటు వెంకటేష్‌ అభిమానులు, ఇటు పవన్‌ అభిమానులు గోల గోల చేయడం ఖాయంగా కనిపిస్తుంది.

Knr