మా ఆయనను ఇందులోకి లాగకండీ ప్లీజ్

Posted: 06/02/2014 11:46 AM IST

Vidya balan refuse about her husband affair

బాలీవుడ్ హాట్ బ్యూటీ విద్యాబాలన్ ఇటీవలే సిద్ధార్థ్ రాయ్ కపూర్ ను వివాహం చేసుకున్న విషయం అందరికి తెలిసిందే. అయితే వీరిద్దరూ విడిపోవడానికి సిద్ధంగా ఉన్నారంటూ గతకొద్ది నెలలుగా వార్తలు వస్తున్నాయి. సిద్ధార్థ్ ఎవరో కొంత మంది హీరోయిన్లతో ఎఫైర్ నడుపుతున్నాడని, అతనిపై విద్యాకు అనుమానం వచ్చి రహస్యంగా ఎంక్వైరీలు కూడా చేస్తుందని పుకార్లు వినిపిస్తున్నాయి. త్వరలోనే వీరిద్దరూ కూడా విడాకులు తీసుకోబోతున్నారని వార్తలు వస్తున్నాయి.

అయితే ఈ విషయంపై విద్యా స్పందిస్తూ... ‘‘ప్రస్తుతం నేను నటించిన ‘బాబీ జాసూస్’ సినిమాలో డిటెక్టివ్ గా చేశాను. కానీ నిజజీవితంలో ఆ పని చేయాల్సిన అవసరం నాకు లేదు. ఎందుకంటే మా ఆయన గురించి నాకు బాగా తెలుసు. ఆయనను ఇలాంటి ఎఫైర్లలోకి లాగకండి. ఆయన బోళాశంకరుడు’’ అంటూ చెప్పుకొచ్చింది. అంటే ఇప్పటి వరకు వచ్చిన ఈ పుకార్లకు విద్యా తెరదించినట్లుగా అయిపోయింది కానీ సిద్ధార్థ్ మాత్రం ఏ విధంగా స్పందించకపోవడంతో ఆ పుకార్లు సిద్ధుపై ఎక్కువవుతున్నాయి. మరి సిద్ధు ఈ పుకార్లకు స్పందిస్తాడో లేక సైలెంట్ గా ఉండిపోతాడో త్వరలోనే తెలియనుంది.

Sandy